ଭୁବନେଶ୍ୱର,୨୨।୧୧:ଗୋଆ ଉପକୂଳ ନିକଟରେ ଏକ ଭାରତୀୟ ନୌସେନା ବୁଡ଼ାଜାହାଜ ଏକ ଭାରତୀୟ ମତ୍ସ୍ୟଜୀବୀ ଜାହାଜ ମୁହାଁମୁହିଁ ଧକ୍କା ହୋଇଛନ୍ତି। ଦୁଇ ଜାହାଜରେ ୧୩ ଜଣ ନାବିକ ଥିଲେ। ଏପର୍ଯ୍ୟନ୍ତ ୧୧ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଦୁଇ ମତ୍ସ୍ୟଜୀବୀ ନିଖୋଜ ଅଛନ୍ତି। ୬ ଜାହାଜ ଏବଂ ବିମାନ ନିୟୋଜିତ କରି ଭାରତୀୟ ନୌସେନା ଦ୍ୱାରା ଏକ ବିଶାଳ ସର୍ଚ୍ଚ ଓ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଛି।
“ନିଖୋଜ ଥିବା ଦୁଇଜଣଙ୍କ ପାଇଁ ସନ୍ଧାନ ଓ ଉଦ୍ଧାର କାର୍ଯ୍ୟ ଚାଲିଛି ଏବଂ ସାମୁଦ୍ରିକ ଉଦ୍ଧାର କାର୍ଯ୍ୟ ସମନ୍ୱୟ କେନ୍ଦ୍ର ମୁମ୍ବାଇ (ଏମଆରସିସି) ସହିତ ସମନ୍ୱୟ ରକ୍ଷା କରାଯାଉଛି। ଏହି ପ୍ରୟାସକୁ ବୃଦ୍ଧି କରିବା ପାଇଁ ତଟରକ୍ଷୀ ବାହିନୀ ସମେତ ଅତିରିକ୍ତ ସମ୍ପତ୍ତିକୁ ସେହି ଅଞ୍ଚଳକୁ ପଠାଯାଇଛି।” ଏହି ଘଟଣାର କାରଣ ଏବେ ଅନୁସନ୍ଧାନ କରାଯାଉଥିବା ବିବୃତ୍ତିରେ କୁହାଯାଇଛି।
