ଲଣ୍ଡନ,୮।୪: ଆସନ୍ତା ମାସରେ ଲଣ୍ଡନରେ ହେବାକୁ ଯାଉଥିବା କିଙ୍ଗ ଚାର୍ଲସ ତୃତୀୟ ଓ କ୍ୱିନ କ୍ୟାମିଲାଙ୍କ ରାଜ୍ୟାଭିଷକେ ସମାରୋହରେ ରାଜକୀୟ ନିମନ୍ତ୍ରଣ ସୂଚିରେ ଜଣେ ମୂଳ ଭାରତୀୟ ଶେଫଙ୍କ ନାମ ସାମିଲ ହୋଇଥିବା ଜଣାପଡିଛି। ବ୍ରିଟେନରେ ଏକ ବରିଷ୍ଠ ନାଗରିକ ଚ୍ୟାରିଟି ସହ କାମ କରୁଥିବା ମୂଳ ଭାରତୀୟ ଶେଫ ମଞ୍ଜୁ ମଲ୍ହି ବ୍ରିଟିଶ ଏମ୍ପାୟାର ମେଡଲ(ବିଇଏମ)) ବିଜେତାଙ୍କ ମଧ୍ୟରେ ସାମିଲ ହୋଇଛନ୍ତି। ବଙ୍କିହାମ ପ୍ୟାଲେସ ଶନିବାର ଏହି ଘେଷଣା କରିଛି।
ମଞ୍ଜୁ ମଲ୍ହିଙ୍କୁ କୋଭିଡ-୧୯ ମହାମାରୀ ସମୟରେ ଲଣ୍ଡନରେ କମ୍ୟୁନିଟି ସେବା ପାଇଁ ବିଇଏମ ପକ୍ଷରୁ ସମ୍ମାନୀତ କରାଯାଇଥିଲା। ଏହାସହ ୬ ମେ’ରେ ସେ ଓ୍ବେଷ୍ଟ ମିନିଷ୍ଟର ଏବ୍ବେରେ ଆୟୋଜିତ ହେବାକୁ ଯାଉଥିବା ରାଜ୍ୟାଭିଷେକ ସମାରୋହରେ ୮୫୦ ବିଇଏମ ପ୍ରାପ୍ତକର୍ତ୍ତାଙ୍କ ସହ ଅନ୍ୟ କୁମ୍ୟନିଟି ଚାମ୍ପିୟାନ ଓ ସମ୍ପୂର୍ଣ୍ଣ ବ୍ରିଟେନର ଚ୍ୟାରିଟି ପ୍ରତିନିଧିଙ୍କ ସହ ସାମିଲ ହେବେ।
