ସିଙ୍ଗାପୁର,୩।୯: ସିଙ୍ଗାପୁରରେ ଭାରତୀୟ ମୂଳ ବାସିନ୍ଦା ଦୁଇଜଣ ମନ୍ତ୍ରୀ ପ୍ରଧାନମନ୍ତ୍ରୀ ଲି ସିନ ଲୁଙ୍ଗଙ୍କ ସାନଭାଇ ଲି ସିନ ୟାଙ୍ଗଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି। ସୂଚନାଯୋଗ୍ୟ, ଏହି ମାମଲା ସରକାରୀ ବଙ୍ଗଳାର ଭଡା ବିବାଦ ସହିତ ଜଡିତ। ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ମାମଲାର ଶୁଣାଣି ସେପ୍ଟେମ୍ବର ୫ ସକାଳ ୯ଟାରେ ହେବ। ସୂଚନାଯୋଗ୍ୟ, ଉଭୟ ମନ୍ତ୍ରୀଙ୍କୁ ଯାଞ୍ଚରେ କ୍ଲିନ ଚିଟ ମିଳିଛି।
ସିଙ୍ଗାପୁରର ଆଇନ ଏବଂ ଗୃହ ବ୍ୟାପାର ମନ୍ତ୍ରୀ କେ ଶାନମୁଗମ ଏବଂ ବୈଦେଶିକ ବ୍ୟାପାର ମନ୍ତ୍ରୀ ଭିଭିଆନ ବାଲାକ୍ରିଷ୍ଣନ ଜୁଲାଇରେ ଲି ସିନ ୟାଙ୍ଗଙ୍କୁ ସେମାନଙ୍କ ଓକିଲଙ୍କ ମାଧ୍ୟମରେ ଏକ ଚିଠି ପଠାଇଛନ୍ତି। ଏହି ଚିଠିରେ ଦାବି କରାଯାଇଛି ଯେ ଯଦି ଲି ସିନ ୟାଙ୍ଗ ତାଙ୍କ ଅଭିଯୋଗ ପାଇଁ କ୍ଷମା ମାଗନ୍ତି ନାହିଁ, ତେବେ ଦୁହେଁ ତାଙ୍କ ବିରୋଧରେ ମାନହାନି ମକଦ୍ଦମା ଦାୟର କରିବେ। ସୋସିଆଲ ମିଡିଆ ପୋଷ୍ଟରେ କେ ଶାନମୁଗମ କହିଛନ୍ତି ଯେ ଲି ସିନ ୟାଙ୍ଗ ତାଙ୍କୁ ଏବଂ ଅନ୍ୟ ଜଣେ ମନ୍ତ୍ରୀ ବାଲାକ୍ରିଷ୍ଣନଙ୍କ ବ୍ୟକ୍ତିଗତ ଲାଭ ପାଇଁ ସିଙ୍ଗାପୁର ଲ୍ୟାଣ୍ଡ ଅଥରିଟିର ଅପବ୍ୟବହାର କରିଥିବା ଅଭିଯୋଗ କରିଛନ୍ତି। ଅଭିଯୋଗ ହେଉଛି ଯେ ଉଭୟ ମନ୍ତ୍ରୀଙ୍କ ସରକାରୀ ବଙ୍ଗଳାରେ ବିନା ଅନୁମତିରେ ଗଛ କଟାଯାଇଥିଲା ଏବଂ ସିଙ୍ଗାପୁର ଲ୍ୟାଣ୍ଡ ଅଥରିଟି ଦ୍ୱାରା ଉଭୟ ବଙ୍ଗଳାର ନବୀକରଣ ପାଇଁ ଅର୍ଥ ପ୍ରଦାନ କରାଯାଇଥିଲା।
