ବ୍ରିଟେନର ନୂଆ ପ୍ରଧାନମନ୍ତ୍ରୀ ହେବେ ପ୍ରଥମ ଭାରତୀୟ ବଂଶୋଦ୍ଭବ ଋଷି ସୁନକ: ୧୮୫ ଏମ୍‌ପିଙ୍କ ମିଳିଲା ସମର୍ଥନ

ଲଣ୍ଡନ,୨୪।୧୦: ବ୍ରିଟେନର ପ୍ରଧାନମନ୍ତ୍ରୀଙ୍କୁ ନେଇ ଚିତ୍ର ସ୍ପଷ୍ଟ ହୋଇଛି। ପ୍ରଥମ ଭାରତୀୟ ବଂଶୋଦ୍ଭବ ଋଷି ସୁନକ ଇତିହାସ ରଚି ବ୍ରିଟେନର ନୂଆ ପ୍ରଧାନମନ୍ତ୍ରୀ ହେବେ। ସୋମବାର ଋଷି ସୁନକଙ୍କୁ ୧୮୦ରୁ ଊର୍ଦ୍ଧ୍ୱ ଏମ୍‌ପିଙ୍କ ସମର୍ଥନ ମିଳିଛି। ସେ ପୋନ୍ନି ମୋର୍ଡାଣ୍ଟଙ୍କୁ ମଧ୍ୟ ପଛରେ ପକାଇଦେଇଛନ୍ତି। ପୋନ୍ନି ମୋର୍ଡାଣ୍ଟ କମ୍‌ ସମର୍ଥନ ମିଳିବା ପରେ ସେ ନିଜ ନାମ ପ୍ରତ୍ୟାହାର କରିନେଇଛନ୍ତି। ସୂତ୍ରରୁ ମିଳିଥିବା ସୂଚନା ଅନୁସାରେ, ଋଷି ସୁନକ ଅକ୍ଟୋବର ୨୮ରେ ଶପଥ ଗ୍ରହଣ କରିବେ। ଅକ୍ଟୋବର ୨୯ରେ କ୍ୟାବିନେଟ ଗଠନ ହେବ। ସୂଚନା ମୁତାବକ, ସୋମବାର ପୂର୍ବତନ ପ୍ରଧାନମନ୍ତ୍ରୀ ବୋରିସ୍‌ ଜନ୍‌ସନ୍‌ ପ୍ରଧାନମନ୍ତ୍ରୀ ଦୌଡ଼ରୁ ନିଜେ ବାହାରିଯାଇଥିଲେ। ଏହାପରେ ଋଷି ସୁନକଙ୍କ ରାସ୍ତା ସଫା ହୋଇଯାଇଥିଲା। ବ୍ରିଟେନ୍‌ ରାଜନୀତି ପାଇଁ ଆଜି ଏକ ବଡ଼ ଦିନ। କାରଣ ଗତ ୩ମାସରୁ ଋଷି ସୁନକ ହେଉଛନ୍ତି ତୃତୀୟ ବ୍ୟକ୍ତି ଯିଏ ଦେଶର ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି।