ବୁଦାପେଷ୍ଟ,୨୭।୮: ଭାରତର ପୁରୁଷ ୪x୪୦୦ ରିଲେ ଦଳ ବିଶ୍ୱ ଆଥଲେଟିକ୍ସ ଚାମ୍ପିୟନଶିପ୍ର ଫାଇନାଲରେ ଯୋଗ୍ୟତା ଅର୍ଜନ କରି ଇତିହାସ ସୃଷ୍ଟି କରିଛି। ଭାରତୀୟ ଦଳ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିବାରେ ସଫଳ ହୋଇଥିଲା। ଭାରତୀୟ ଦଳ ଏହି ଦୌଡ଼କୁ ୨ ମିନିଟ ୫୯.୦୫ ସେକେଣ୍ଡରେ ସମାପ୍ତ କରିଥିଲେ, ଯାହାକି କୌଣସି ଏସୀୟ ଦଳ ଅପେକ୍ଷା ଅଧିକ ଥିଲା। ଭାରତ ଦଳରେ ମହମ୍ମଦ ଅଜମଲ, ରାଜେଶ ରମେଶ, ଆମୋଜ ଯାଦବ ଏବଂ ମହମ୍ମଦ ଅନାସ ୟାହିଆ ସାମିଲ ଥିଲେ।
ଦ୍ୱିତୀୟ ସ୍ଥାନ ହାସଲ କରି ଟିମ ଇଣ୍ଡିଆ ପ୍ରଥମ ଥର ପାଇଁ ବିଶ୍ୱ ଚାମ୍ପିଅନସିପ ପାଇଁ ଯୋଗ୍ୟତା ଅର୍ଜନ କରିଛି। କେବଳ ଆମେରିକାର ଦଳ ଭାରତଠାରୁ ଆଗରେ ଥିଲା। ଆମେରିକାର ରିଲେ ଦଳ ୨ ମିନିଟ ୫୮.୪୭ ସେକେଣ୍ଡରେ ଦୌଡ଼କୁ ସମାପ୍ତ କରିଥିଲେ। ବର୍ତ୍ତମାନ ଫାଇନାଲ ମ୍ୟାଚ ରବିବାର ଅନୁଷ୍ଠିତ ହେବ। ଏହି ରେସ ସହିତ ଭାରତର ରିଲେ ଦଳ ଏସିଆର ସର୍ବଶ୍ରେଷ୍ଠ ଦଳ ହୋଇପାରିଛି।
ଭାରତ ପୂର୍ବରୁ ଏସୀୟ ଦଳ ମଧ୍ୟରେ ଦ୍ରୁତତମ ରିଲେ ଦଳର ରେକର୍ଡ ଜାପାନ କରିଥିଲା, ଯିଏ ଦୌଡ଼କୁ ୨ ମିନିଟ ୫୯.୫୧ ସେକେଣ୍ଡରେ ସମାପ୍ତ କରିଥିଲା। ଏହାପୂର୍ବରୁ, ଭାରତର ରେକର୍ଡ ୩ ମିନିଟ ୦୦.୨୫ ସେକେଣ୍ଡ ଥିଲା, ଯାହା ସମାନ ଭାରତୀୟ ଦଳ (ମହମ୍ମଦ ଅଜମଲ, ରାଜେଶ ରମେଶ, ଆମୋଜ ଯାଦବ ଏବଂ ମହମ୍ମଦ ଅନାସ ୟାହିଆ)ଙ୍କ ଦ୍ୱରା ୨୦୨୦ ଅଲିମ୍ପିକରେ କରାଯାଇଥିଲା। ତା’ପରେ ଭାରତୀୟ ଦଳ ଫାଇନାଲରୁ ବଞ୍ଚିତ ହୋଇଥିଲେ।
