ନୂଆଦିଲ୍ଲୀ,୩।୩: ଆଜିକାଲି ରିଷଭ ପନ୍ତ କ୍ରିକେଟ ଠାରୁ ଦୂରରେ ଅଛନ୍ତି। କାର ଦୁର୍ଘଟଣା ପରେ ଆଘାତରୁ ମୁକ୍ତି ପାଇଥିବା ପନ୍ତଙ୍କୁ ଏକ ନୂଆ ରୂପରେ ଦେଖିବାକୁ ମିଳିଛି। ପନ୍ତ ରାସ୍ତା ମଝିରେ ପିଲାମାନଙ୍କ ସହ ‘ଗୁଲି’ ଖେଳୁଥିବା ଦେଖାଯାଇଛି। ଏହି ସମୟରେ ପନ୍ତଙ୍କୁ ହାଫ୍ ପ୍ୟାଣ୍ଟ ଏବଂ ଟି-ଶର୍ଟରେ ଦେଖିବାକୁ ମିଳିଥିଲା। ପ୍ରଥମ ଥର ପାଇଁ ପନ୍ତଙ୍କ ଏପରି ଶୈଳୀ ଦେଖିବାକୁ ମିଳିଛି।
ଭାରତୀୟ ଉଇକେଟ କିପର ବ୍ୟାଟ୍ସମ୍ୟାନ ଇନଷ୍ଟାଗ୍ରାମ ମାଧ୍ୟମରେ ଏକ ଷ୍ଟାଟସ୍ ଶେୟାର କରିଛନ୍ତି। ଭିଡିଓରେ ଏହା ଦେଖିବାକୁ ମିଳୁଛି ଯେ ପନ୍ତ ତଳେ ବସି ଗୁଲି ଖେଳୁଛନ୍ତି। ସେ ଏପରି ଢଙ୍ଗରେ ଖେଳୁଛନ୍ତି ଯେପରି ଖେଳିବାରେ ତାଙ୍କର ଅନେକ ଅଭ୍ୟାସ ଅଛି।
ସୂଚନାଯୋଗ୍ୟ ଯେ, ଡିସେମ୍ବର ୨୦୨୨ରେ ପନ୍ତ ଏକ କାର ଦୁର୍ଘଟଣାର ଶିକାର ହୋଇଥିଲେ। ଏଥିରେ ସେ ବହୁତ ଗୁରୁତର ଆହତ ହୋଇଥିଲେ। ଦୁର୍ଘଟଣା ପରେ ପନ୍ତ ଅନେକ ବଡ଼ କ୍ରିକେଟ ଇଭେଣ୍ଟରୁ ବଞ୍ଚିତ ହୋଇଥିଲେ। ଏହା ବ୍ୟତୀତ ସେ ଆଇପିଏଲ ୨୦୨୩କୁ ମଧ୍ୟ ମିସ କରିଥିଲେ।
Rishabh Pant playing "Goli" game with little kids. (Pant Instagram) https://t.co/1LJI9gKOQo
— Tanuj Singh (@ImTanujSingh) March 3, 2024
