ନୂଆଦିଲ୍ଲୀ,୫।୧୨ : ଏନଜିଓ ଅକ୍ସଫାମ ଇଣ୍ଡିଆ ଦ୍ୱାରା କରାଯାଇଥିବା ଏକ ଅଧ୍ୟୟନରେ କୁହାଯାଇଛି ଯେ ଭାରତରେ ଇଣ୍ଟରନେଟ ବ୍ୟବହାରରେ ମହିଳାମାନେ ବହୁ ପଛରେ ଅଛନ୍ତି। ଏହି ରିପୋର୍ଟରେ ଦର୍ଶାଯାଇଛି ଯେ ଭାରତରେ କେବଳ ଏକ ତୃତୀୟାଂଶ ଇଣ୍ଟରନେଟ ବ୍ୟବହାରକାରୀ ହେଉଛନ୍ତି ମହିଳା।
ଏନଜିଓ ଦ୍ୱାରା ପ୍ରକାଶିତ ‘ଇଣ୍ଡିଆ ଇନଇକ୍ୱାଲିଟି ରିପୋର୍ଟ ୨୦୨୨: ଡିଜିଟାଲ ଡିଭାଇଡ ’ଅନୁଯାୟୀ ଭାରତୀୟ ମହିଳାଙ୍କ ପାଖରେ ମୋବାଇଲ ଫୋନ ହେବାର ସମ୍ଭାବନା ୧୫ ପ୍ରତିଶତ ରହିଛି। ସେହିପରି ପୁରୁଷଙ୍କ ତୁଳନାରେ ମୋବାଇଲ ଇଣ୍ଟରନେଟ ସେବା ବ୍ୟବହାର କରିବା କ୍ଷେତ୍ରରେ ଏହା ୩୩ ପ୍ରତିଶତ କମ।
ଅଧ୍ୟୟନରେ କୁହାଯାଇଛି ଯେ ଏସିଆ-ପ୍ରଶାନ୍ତ ମହାସାଗରୀୟ ଅଞ୍ଚଳରେ ଲିଙ୍ଗଗତ ବ୍ୟବଧାନ ୪୦.୪ ପ୍ରତିଶତ ସହିତ ଭାରତ ସବୁଠାରୁ ଖରାପ ସ୍ଥିତିରେ ରହିଛି। ଏହି ରିପୋର୍ଟରେ ଗ୍ରାମାଞ୍ଚଳ-ସହରୀ ଡିଜିଟାଲ ବିଭେଦ ମଧ୍ୟ ଦର୍ଶାଯାଇଛି।
ରିପୋର୍ଟରେ କୁହାଯାଇଛି ଯେ ବର୍ଷକୁ ୧୩ ପ୍ରତିଶତ ଗୁରୁତ୍ୱପୂର୍ଣ୍ଣ ଡିଜିଟାଲ ଅଭିବୃଦ୍ଧି ହାର ପଞ୍ଜିକରଣ କରିବା ସତ୍ତ୍ୱେ ଗ୍ରାମାଞ୍ଚଳର ମାତ୍ର ୩୧ ପ୍ରତିଶତ ଲୋକ ଇଣ୍ଟରନେଟ ବ୍ୟବହାର କରୁଛନ୍ତି। ସହରାଞ୍ଚଳରେ ଏହା ୬୭ ପ୍ରତିଶତ ରହିଛି। ଏହି ରିପୋର୍ଟରେ ଜାନୁଆରୀ ୨୦୧୮ ରୁ ଡିସେମ୍ବର ୨୦୨୧ ମଧ୍ୟରେ କରାଯାଇଥିବା ଭାରତୀୟ ଅର୍ଥନୀତି ଘରୋଇ ସର୍ବେକ୍ଷଣର ପ୍ରାଥମିକ ତଥ୍ୟ ବିଶ୍ଳେଷଣ କରାଯାଇଛି ।
ରାଜ୍ୟ ମଧ୍ୟରେ ମହାରାଷ୍ଟ୍ରରେ ସର୍ବାଧିକ ଇଣ୍ଟରନେଟ ବ୍ୟବହାର କରାଯାଉଥିବାବେଳେ ଏହା ପଛକୁ ଗୋଆ ଏବଂ କେରଳ ରହିଛି। ଏହା ବିହାରରେ ସର୍ବନିମ୍ନ ରହିଛି ବୋଲି ରିପୋର୍ଟରେ ଦର୍ଶାଯାଇଛି।