ବମ୍ବେ: ଶେଷ ହୋଇଛି ଟେଲିଭିଜନ ରିଆଲିଟି ଶୋ’ ‘ଇଣ୍ଡିଆଜ୍ ବେଷ୍ଟ ଡ୍ୟାନ୍ସର ଚାପ୍ଟର ୩’। ଶନିବାର ରାତିରେ ପ୍ରସାରିତ ଅନ୍ତିମ ଏପିସୋଡରେ ଶୋ’କୁ ଏହାର ବିଜେତା ମିଳିଛି। ଫାଇନାଲରେ ନୃତ୍ୟଶିଳ୍ପୀ ସମର୍ପଣ ନାମା ଟ୍ରଫି ଜିତିଛନ୍ତି। ଏଥିସହ ତାଙ୍କୁ ୧୫ ଲକ୍ଷର ପୁରସ୍କାର ରାଶି ମିଳିଛି। ଶୋ’ ବିଜେତା ହେବା ପରେ ସମର୍ପଣ ବେଶ ଭାବବିହ୍ବଳ ହୋଇ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।
କହିରଖୁଛୁ, ସମର୍ପଣଙ୍କ ଘର ନେପାଳରେ ହୋଇଥିଲେ ହେଁ ସେ ଏବେ ମହାରାଷ୍ଟ୍ରରେ ରହୁଛନ୍ତି। ଶୋ’ର ଅନ୍ୟ ପ୍ରତିଯୋଗୀଙ୍କୁ ପଛରେ ପକାଇ ନିଜର ନୃତ୍ୟଶୈଳୀକୁ ନେଇ ସେ ବିଜେତା ହେବାର ଗୌରବ ଅର୍ଜନ କରିଛନ୍ତି। ତେବେ ସେ ସବୁବେଳେ ବିଭିନ୍ନ ନୃତ୍ୟଭିତ୍ତିକ ଶୋ’ ଦେଖି ସେଥିରେ ଭାଗ ନେବା କଥା ଚିନ୍ତା କରୁଥିଲେ। ଶେଷରେ ତାଙ୍କ ସ୍ବପ୍ନ ପୂରଣ ହୋଇଛି। ଏବେ ସେ ନିଜର ନୃତ୍ୟକୁ ଅନ୍ତର୍ଜାତୀୟସ୍ତରକୁ ନେବାକୁ ଯୋଜନା କରୁଥିବା ମଧ୍ୟ ସେ କହିଛନ୍ତି।
