ନୂଆଦିଲ୍ଲୀ,୧୧।୩: ଦ୍ୱିତୀୟ ଟେଷ୍ଟରେ ଅଷ୍ଟ୍ରେଲିଆ ନ୍ୟୁଜିଲାଣ୍ଡକୁ ପରାସ୍ତ କରି ୨ ମ୍ୟାଚ ବିଶିଷ୍ଟ ସିରିଜ୍ରେ କ୍ଲିନ୍ସୁଇପ୍ କରିଛି। ଲଗାତାର ଦୁଇଟି ମ୍ୟାଚ ଜିତିଥିବା ଅଷ୍ଟ୍ରେଲିଆ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ପଏଣ୍ଟ ଟେବୁଲରେ ଭାରତକୁ ପଛରେ ପକାଇ ପାରି ନାହିଁ। ନିକଟରେ ଭାରତୀୟ ଦଳ ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜକୁ ୪-୨ରେ ଜିତିଛି, ଯାହା ପରେ ସେମାନେ ଟେବୁଲର ଶୀର୍ଷରେ ଅଛନ୍ତି। ନ୍ୟୁଜିଲାଣ୍ଡକୁ ପରାସ୍ତ କରିଥିବା ଅଷ୍ଟ୍ରେଲିଆ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ପହଞ୍ଚିଛି।
ବିଶ୍ୱ ଟେଷ୍ଟ ଚାମ୍ପିଅନସିପ (୨୦୨୩-୨୫)ରେ ଭାରତ ୯ଟି ମ୍ୟାଚ ଖେଳିଛି। ଏଥିରେ ଭାରତ ୬ଟି ଜିତିଛି, ୨ରେ ହାରିଛି। ୧ ଡ୍ରରେ ଶେଷ ହୋଇଛନ୍ତି। ଭାରତର ବିଜୟ ପ୍ରତିଶତ ହେଉଛି ୬୮.୫୧। ଦ୍ୱିତୀୟ ସ୍ଥାନରେ ଥିବା ଅଷ୍ଟ୍ରେଲିଆ ୧୨ଟି ମ୍ୟାଚ ଖେଳିଛି। ଏଥିରେ ସେମାନେ ୮ଟି ଜିତିଛନ୍ତି, ୩ରେ ହାରିଛନ୍ତି ଏବଂ ଗୋଟିଏ ଡ୍ରରେ ଶେଷ ହୋଇଛନ୍ତି। ଅଷ୍ଟ୍ରେଲିଆର ବିଜୟ ପ୍ରତିଶତ ହେଉଛି ୬୨.୫୦। ନ୍ୟୁଜିଲାଣ୍ଡ ଦଳ ଏପର୍ଯ୍ୟନ୍ତ ୬ଟି ମ୍ୟାଚ ଖେଳିଥିବା ତାଲିକାରେ ତୃତୀୟ ସ୍ଥାନରେ ରହିଛି। ୬ଟି ମ୍ୟାଚରେ ନ୍ୟୁଜିଲାଣ୍ଡ ୩ଟି ଜିତି ୩ରେ ହାରିଛି। କିୱି ଦଳର ବିଜୟ ପ୍ରତିଶତ ହେଉଛି ୫୦।
ଏହି ତାଲିକାରେ ଆଗକୁ ବାଂଲାଦେଶ ୫୦ ପ୍ରତିଶତ ବିଜୟ ସହ ଚତୁର୍ଥ ସ୍ଥାନରେ ଏବଂ ପାକିସ୍ତାନ ୩୬.୬୬ ପ୍ରତିଶତ ବିଜୟ ସହ ପଞ୍ଚମ ସ୍ଥାନରେ ରହିଛି।