ଅଷ୍ଟ୍ରେଲିଆ ହାତରୁ ମ୍ୟାଚ୍ ଛଡାଇ ଆଣିଲା ଭାରତ:ଶେଷ ଓଭରରେ ପଲଟିଗଲା ମ୍ୟାଚ୍
07 ବେଙ୍ଗାଲୁରୁ,୩।୧୨: ଅଷ୍ଟ୍ରେଲିଆ ବିପକ୍ଷ ପାଞ୍ଚ ମ୍ୟାଚ ବିଶିଷ୍ଟ ଟି-୨୦ ସିରିଜକୁ ଭାରତ ୪-୧ରେ ଜିତିଛି। ସିରିଜର ଶେଷ ମ୍ୟାଚ ଭାରତ ୬ ରନ୍ରେ ଜିତିଥିଲେ। ଅଷ୍ଟ୍ରେଲିଆ ଅଧିନାୟକ ମାଥ୍ୟୁ ୱେଡ ଟସ ଜିତି ବେଙ୍ଗାଲୁରୁ ଏମ ଚିନ୍ନାସ୍ବାମୀ ଷ୍ଟାଡିୟମରେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ୨୦ ଓଭରରେ ୮ଟି ଉଇକେଟ ହରାଇ ଭାରତ ୧୬୦ରନ ସଂଗ୍ରହ କରିଥିଲା। ଏହାର ଜବାବରେ ଅଷ୍ଟ୍ରେଲିଆ ୨୦ ଓଭରରେ ୮ ଉଇକେଟ ହରାଇ ମାତ୍ର ୧୫୪ ରନ ସ୍କୋର କରିପାରିଥିଲା।
ଅର୍ଶଦୀପ ସିଂ ଚମତ୍କାର ବୋଲିଂ କରି ଶେଷ ଓଭରରେ ୧୦ ରନ ବଞ୍ଚାଇଥିଲେ। ସେ ଟିମ ଇଣ୍ଡିଆକୁ ୬ ରନ୍ରେ ବିଜୟୀ କରାଇଥିଲେ। ୨୦ତମ ଓଭରରେ ଅଷ୍ଟ୍ରେଲୀୟ ଅଧିନାୟକ ମାଥ୍ୟୁ ୱେଡଙ୍କୁ ଆଉଟ୍ କରି ଅର୍ଶଦୀପ ଭାରତର ବିଜୟ ନିଶ୍ଚିତ କରିଥିଲେ। ସେ ୱେଡଙ୍କୁ ପ୍ରଥମ ଏବଂ ଦ୍ୱିତୀୟ ବଲରେ ରନ ସ୍କୋର କରିବାକୁ ଦେଇ ନ ଥିଲେ। ତାଙ୍କୁ ତୃତୀୟ ବଲରେ ଆଉଟ୍ କରାଯାଇଥିଲା। ଚତୁର୍ଥ ବଲରେ ଜେସନ ବେହେରେଣ୍ଡର୍ଫ କେବଳ ଗୋଟିଏ ରନ ସ୍କୋର କରିପାରିଥିଲେ। ଅଷ୍ଟ୍ରେଲିଆକୁ ଦୁଇଟି ବଲରେ ୯ ରନ ସ୍କୋର କରିବାକୁ ପଡ଼ିଲା। ନାଥାନ ଏଲିସ ପଞ୍ଚମ ବଲରେ ଏକ ରନ ନେଇଥିଲେ। ତାଙ୍କ ପରେ ବେହେରେଣ୍ଡର୍ଫ ମଧ୍ୟ ଶେଷ ବଲରେ ମାତ୍ର ଗୋଟିଏ ରନ ନେଇଥିଲେ। ଏହିପରି ଟିମ ଇଣ୍ଡିଆ ମ୍ୟାଚ ୬ ରନ୍ରେ ଜିତିଥିଲା।