ନୂଆଦିଲ୍ଲୀ,୪।୭-ଦିନକୁ ଦିନ ଦେଶରେ ସୋସିଆଲ ମିଡିଆ ବ୍ୟବହାରକାରୀଙ୍କ ସଂଖ୍ୟା ବଢିବାରେ ଲାଗିଛି। ଭାରତରେ ସୋସିଆଲ ମିଡିଆ ବ୍ୟବହାରକାରୀଙ୍କ ସଂଖ୍ୟା ପାଖାପଖି ୫୦ କୋଟିରୁ ଅଧିକ ରହିଥିବା ଏକ ତଥ୍ୟରୁ ଜଣାପଡ଼ିଛି। ଏହାସତ୍ତ୍ୱେ ଦେଶରେ ସାମାଜିକ ଗଣମାଧ୍ୟମ ବଜାରରେ ବିଦେଶୀ କମ୍ପାନୀଙ୍କ କବ୍ଜା ରହିଛି। ତେବେ ରବିବାର ଉପରାଷ୍ଟ୍ରପତି ଭେଙ୍କେୟା ନାଇଡୁ ପ୍ରଥମ ଦେଶୀ ସାମାଜିକ ଗଣମାଧ୍ୟମ ଆପ ଏଲିମେଣ୍ଟ୍ସ (Elyments)କୁ ଲଞ୍ଚ କରିବେ। ଏହି ଉଦ୍ଘାଟନ କାର୍ଯ୍ୟକ୍ରମରେ ଆର୍ଟ ଅଫ ଲିଭିଂର ସଂସ୍ଥାପକ ଶ୍ରୀଶ୍ରୀ ରବିଶଙ୍କର ମଧ୍ୟ ଉପସ୍ଥିତ ରହିବେ ବୋଲି ଜଣାପଡ଼ିଛି। ଆପ ଲଞ୍ଚିଂ ସମୟରେ ଯୋଗ ଗୁରୁ ବାବା ରାମଦେବ, ଅଯୋଧ୍ୟା ରାମ ରେଡ୍ଡୀ, ପୂର୍ବତନ କେନ୍ଦ୍ରମନ୍ତ୍ରୀ ସୁରେଶ ପ୍ରଭୁ ଉପସ୍ଥିତ ରହିପାରନ୍ତି। ଗୁଗୁଲ ପ୍ଲେ ଷ୍ଟୋରରେ ଏହି ଆପ ଉପଲବ୍ଧ ଏବଂ ଏହାକୁ ଅଦ୍ୟାବଧି ଲକ୍ଷାଧିକ ଲୋକ ଡାଉନଲୋଡ କରି ସାରିଛନ୍ତି। ୮ଟି ଭାଷାରେ ଏହି ଆପ ଉପଲବ୍ଧ ହେବ ଏବଂ ଏଥିରେ ଅଡିଓ-ଭିଡିଓ କଲିଂର ସୁବିଧା ମଧ୍ୟ ରହିବ।