ଅହମ୍ମଦାବାଦ୍,୧୯।୧୧: ବିଶ୍ୱକପ ଫାଇନାଲରେ ଅଷ୍ଟ୍ରେଲିଆ ଭାରତକୁ ପରାସ୍ତ କରିଛି। ରବିବାର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ମ୍ୟାଚ୍ରେ ୬ ଉଇକେଟ ଜିତି ଟାଇଟଲ ଜିତିଛି ଅଷ୍ଟ୍ରେଲିଆ। ଷଷ୍ଠ ଥର ପାଇଁ ଅଷ୍ଟ୍ରେଲିଆ ବିଶ୍ୱ ଚାମ୍ପିୟନ ହୋଇଛି। ଏଥି ସହିତ ତୃତୀୟ ଥର ପାଇଁ ଟ୍ରଫି ଜିତିବାର ଭାରତର ସ୍ବପ୍ନ ଭାଙ୍ଗିଛି। ଟୁର୍ନାମେଣ୍ଟରେ ଭାରତ କ୍ରମାଗତ ୧୦ଟି ମ୍ୟାଚ ଜିତିଥିଲା, କିନ୍ତୁ ଦଳ ୧୧ତମ ମ୍ୟାଚରେ ପଛରେ ପଡିଯାଇଛି। ଦ୍ୱିତୀୟ ଥର ପାଇଁ ଅଷ୍ଟ୍ରେଲିଆ ବିପକ୍ଷ ଫାଇନାଲରେ ଭାରତ ପରାଜୟର ସମ୍ମୁଖୀନ ହୋଇଛି। ଶେଷ ଥର ପାଇଁ ୨୦୦୩ରେ ରିକି ପଣ୍ଟିଂଙ୍କ ଅଧିନାୟକତ୍ୱରେ ଦଳ ପରାସ୍ତ ହୋଇଥିଲା।
ଟ୍ରାଭିସ ହେଡ ଏବଂ ମାର୍ନସ ଲାବୁସାଗ୍ନେ ଅଷ୍ଟ୍ରେଲିଆର ଏହି ବିଜୟର ହିରୋ ଥିଲେ। ଟାଇଟଲ ମ୍ୟାଚରେ ୨୪୨ ରନ୍ର ଟାର୍ଗେଟକୁ ପିଛା କରି ଅଷ୍ଟ୍ରେଲିଆ ମାତ୍ର ୪୭ ରନ୍ରେ ୩ଟି ଉଇକେଟ ହରାଇଥିଲା। ଏହା ପରେ ହେଡ ୧୨୦ ବଲରେ ୧୩୭ ରନ ସ୍କୋର କରିଥିଲେ ଏବଂ ଲାବୁସାଗ୍ନେ ତାଙ୍କ ଦଳକୁ ବିଜୟ ଦେବା ପାଇଁ ୫୮ ରନର ଅପରାଜିତ ଇନିଂସ ଖେଳିଥିଲେ। ଅନ୍ତିମ ମ୍ୟାଚରେ କୌଣସି ଭାରତୀୟ ବୋଲର ପ୍ରଭାବଶାଳୀ ଦେଖାଯାଉ ନ ଥିଲେ। ତେବେ ବୁମରା ଏବଂ ଶାମି ପ୍ରାରମ୍ଭିକ ଓଭରରେ ଭାରତର ଆଶା ବଢାଇଥିଲେ, କିନ୍ତୁ ପରେ ଉଭୟ ପ୍ରଭାବହୀନ ନଜର ଆସିଥିଲେ।