ଆଣ୍ଟିଗୁଆ,୬।୨: ଅଣ୍ଡର -୧୯ ବିଶ୍ୱକପ ଫାଇନାରେ ଭାରତ ଇଂଲଣ୍ଡକୁ ପରାସ୍ତ ଚାମ୍ପିଅନ୍ ହୋଇଛି। ଭାରତୀୟ ଦଳ ୧୯୦ ରନ୍ର ଲକ୍ଷ୍ୟକୁ ଭାରତ ୬ ଉଇକେଟ୍ ହରାଇ ହାସଲ କରିଥିଲା। ହାସଲ କରିଥିଲା। ରୋମାଞ୍ଚକର ଫାଇନାଲ ମୁକାବିଲାରେ ରାଜ ବାୱା ଓ ରବି କୁମାରଙ୍କ ଘାତକ ବୋଲିଂକୁ ସାମ୍ନା କରି ନ ପାରି ଇଂଲଣ୍ଡ ୪୪.୫ ଓଭରରେ ୧୮୯ ରନ କରି ଅଲଆଉଟ ହୋଇଥିଲା। ଜବାବରେ ଭାରତକୁ ମଧ୍ୟ ଲକ୍ଷ୍ୟର ପିଛା କରିବା ସହଜ ହୋଇ ନ ଥିଲା। ନିଶାନ୍ତ ସିନ୍ଧୁଙ୍କ ଲଢୁଆ ଅର୍ଦ୍ଧଶତକ ବଳରେ ଭାରତ ୪୭.୪ ଓଭରରେ ୬ ଉଇକେଟ ହରାଇ ୧୯୫ ରନ କରି ମୁକାବିଲାକୁ ଜିତି ନେଇଥିଲା।
ଟସ ଜିତି ପ୍ରଥମେ ବ୍ୟାଟିଂ କରିଥିବା ଇଂଲଣ୍ଡ ପ୍ରାରମ୍ଭିକ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ଭାରତର ବାମହାତୀ ପେସର ରବି କୁମାର ଇଂଲଣ୍ଡ ଓପ୍ନର ଜାକବ ବେଥେଲ (୨)ଙ୍କୁ ଆଉଟ କରି ଭାରତକୁ ପ୍ରଥମ ସଫଳତା ଦେଇଥିଲେ। ତାଙ୍କ ସ୍ଥାନରେ ଆସିଥିବା କ୍ୟାପଟେନ ଟମ ପ୍ରିଷ୍ଟ ଖାତା ଖୋଲିବା ପୂର୍ବରୁ ରବି କୁମାରଙ୍କ ଶିକାର ହୋଇଥିଲେ। ଅନ୍ୟତମ ଓପନର ଦ୍ରୁତ ବ୍ୟାଟିଂ କରିଥିଲେ ହେଁ ବଡ ସ୍କୋର କରିବାରେ ବିଫଳ ହୋଇଥିଲେ । ସେ ୨୭ ରନ କରି ରାଜ ବାୱାଙ୍କ ଦ୍ୱାରା ଆଉଟ ହୋଇଥିଲେ। ଏହା ରାଜ ୧୩ଶ ଓଭରର ପଞ୍ଚମ ବଲରେ ୱିଲିୟମ ଲକ୍ସଟନ (୪) ଓ ଷଷ୍ଠ ବଲରେ ଜର୍ଜ ବେଲ (୦)ଙ୍କୁ ଆଉଟ କରି ଇଂଲଣ୍ଡର ଅଧା ବ୍ୟାଟ୍ସମ୍ୟାନଙ୍କୁ ପ୍ୟାଭିଲିୟନ ପଠାଇଥିଲେ।
ରେହାନ ଅହମ୍ମଦ (୧୦) ଓ ଆଲେକ୍ସ ହର୍ଟନ (୧୦)ଙ୍କୁ କୌଶଲ ତାମ୍ବେ ଆଉଟ କରିବାରେ ସଫଳ ହୋଇଥିଲେ। ୯୧ ରନରେ ୭ ଉଇକେଟ ହରାଇ ଇଂଲଣ୍ଡ ସଙ୍କଟରେ ପଡିଥିବା ବେଳେ ଜେମ୍ସ ରିଉ ଓ ଜେମ୍ସ ସେଲ୍ସ ଦମଦାର ବ୍ୟାଟିଂ କରିଥିଲେ। ବିଶେଷ କରି ରିଉ ସକାରାତ୍ମକ ବ୍ୟାଟିଂ କରି ଇଂଲଣ୍ଡର ରନ ଗତି ଜାରି ରଖିଥିବା ବେଳେ ତାଙ୍କୁ ସେଲ୍ସ ଭରପୂର ସହଯୋଗ କରିଥିଲେ। ଦୁହେଁ ଅଷ୍ଟମ ଉଇକେଟ ପାଇଁ ୯୩ ରନର ବଡ ଭାଗିଦାରୀ କରି ଇଂଲଣ୍ଡକୁ ଭଲ ସ୍ଥିତିରେ ପହଞ୍ଚାଇଥିଲେ। ଏହା ପରେ,୪୪ ତମ ଓଭରରେ ରବି କୁମାର ବୋଲିଂ କରିବାକୁ ଆସିଥିଲେ ଏବଂ ଏହି ଓଭରର ପ୍ରଥମ ବଲରେ ରିୟୁ ଏକ ଉଚ୍ଚ ସଟ ମାରିଥିଲେ, ଯାହା ସୀମା ରେଖା ଉପରେ ଠିଆ ହୋଇଥିବା କୌଶଲ ତାମ୍ବେଙ୍କ ନିକଟରେ ପହଞ୍ଚିଥିଲା। ସୀମାରେ ଥିବା ତାମ୍ବେ ଏକ କ୍ୟାଚ ନେବାକୁ ଚେଷ୍ଟା କରିଥିଲେ, କିନ୍ତୁ ବଲ ତାଙ୍କ ହାତ ଖସିଯାଇଥିଲା। ଏହା ପରେ ତାମ୍ବେ ତତ୍କ୍ଷଣାତ୍ ସେ ହାର୍ ନ ମାନି ଡ୍ରାଇଭ୍ ମାରି ଗୋଟିଏ ହାତରେ କ୍ୟାଚ୍ ଧରିଥିଲେ। ଦ୍ୱିତୀୟ ପ୍ରୟାସରେ ସେ ଭାଗ୍ୟଶାଳୀ ଥିଲେ। ବଲ ତାଙ୍କ ହାତରେ ଆସିଥିଲା। ସୋସିଆଲ ମିଡିଆରେ ଏହି କ୍ୟାଚ ଟ୍ରେଣ୍ଡ ହେଉଛି। ଯଦି ରିୟୁ ଆଉ କିଛି ସମୟ ପଡ଼ିଆରେ ରହିଥାନ୍ତେ, ତେବେ ଇଂଲଣ୍ଡର ସ୍କୋର ୨୦୦ ଅତିକ୍ରମ କରିଥାନ୍ତା ଏବଂ ଏଭଳି ପରିସ୍ଥିତିରେ ଭାରତକୁ ଅସୁବିଧାର ସମ୍ମୁଖୀନ ହେବାକୁ ପଡିଥାନ୍ତା। ତେବେ ଏହା ଘଟି ନଥିଲା ଏବଂ ରାଜ ବାୱା ପାଞ୍ଚଟି ଏବଂ ରବି କୁମାରଙ୍କ ଚାରିଟି ଉଇକେଟ ଯୋଗୁ ଭାରତ ପ୍ରଥମେ ଇଂଲଣ୍ଡକୁ ୨୦୦ ଭିତରେ ସୀମିତ ରଖିଥିଲା।
What a spectacular catch!!!!#kaushaltambe#U19CWC2022 pic.twitter.com/9HobEAD4no
— Manisha Karan (@ManishaKaran1) February 5, 2022
