କୋଲକାତା,୧୦।୮ : ଏସିଆ କପ ୨୦୨୩ ଆରମ୍ଭ ହେବାକୁ ଆଉ ଅଳ୍ପ ଦିନ ବାକି ଅଛି। ଏହି ଟୁର୍ନାମେଣ୍ଟ ୩୧ ଅଗଷ୍ଟରୁ ଆରମ୍ଭ ହେବ। ୨୦୧୮ ବର୍ଷ ପରେ ଭାରତୀୟ ଦଳ ଏସିଆ କପ ଜିତିବାକୁ ପଡ଼ିଆକୁ ଓହ୍ଲାଇବ। ଚଳିତ ବର୍ଷ ବିଶ୍ୱକପ ୨୦୨୩ ମଧ୍ୟ ଅନୁଷ୍ଠିତ ହେବାକୁ ଯାଉଛି। ତେଣୁ ସମସ୍ତ ଦଳ ଏସିଆ କପ ମାଧ୍ୟମରେ ନିଜର ପ୍ରସ୍ତୁତି କରିବାକୁ ଚାହୁଁଛନ୍ତି। ଏସିଆ ପୂର୍ବରୁ ଭାରତର ଏକ ଯୋଜନା ଲିକ ହୋଇଛି, ଯାହାକି ଅନ୍ୟ ଦଳ ପାଇଁ ଏକ ଭଲ ସୁଯୋଗ ଆଣିବ।
ଏହି ଯୋଜନା ଅନ୍ତର୍ଗତ ଭାରତୀୟ ଦଳ ଏକଦିବସୀୟ ପାଇଁ ବ୍ୟାଟିଂ ଢାଞ୍ଚା ପ୍ରସ୍ତୁତ କରିଛି। ଯେଉଁଥିରେ କୁହାଯାଇଛି ପ୍ରଥମ ୧୦ ଓଭରରେ ରନ କମ ହେଲେ ମଧ୍ୟ ୱିକେଟ ଯିବ ନାହିଁ। ଏହା ପରେ, ଦ୍ରୁତ ରନ ସ୍କୋର କରିବାକୁ ପଡିବ ଏବଂ ପୁଣି ଥରେ ମଧ୍ୟମ କ୍ରମରେ ଆରାମରେ ଖେଳିବାକୁ ପଡିବ ଏବଂ ସ୍ଲୋଗ ଓଭରରେ ରନ ସଂଗ୍ରହ କରିବାକୁ ପଡିବ ।
ଭାରତୀୟ ଦଳ ନିଶ୍ଚିତ ଭାବରେ ଏଥିରୁ ଉପକୃତ ହେବେ। କାରଣ ବର୍ତ୍ତମାନ ପର୍ଯ୍ୟନ୍ତ ଟିମ ଇଣ୍ଡିଆର ଥିବା ଭୁଲ ହେଉଛି ଆରମ୍ଭରେ ୱିକେଟ ହାତରୁ ଚାଲିଯିବା ପରେ ନିମ୍ନ ଅର୍ଡର ବ୍ୟାଟ୍ସମ୍ୟାନମାନେ ସ୍ଲୋଗ ଓଭରରେ କ୍ରିଜରେ ରହିଥାନ୍ତି। ସେମାନେ ସେହି ଓଭରର ସଠିକ ଫାଇଦା ଉଠାଇବାକୁ ସକ୍ଷମ ହୋଇ ନ ଥାନ୍ତି। ଯଦିଓ ବର୍ତ୍ତମାନ ଏହି ଯୋଜନା ଲିକ ହୋଇଛି, ତେବେ ଅନ୍ୟ ଦଳମାନେ ଭାରତର ଏହି ରଣନୀତି ବୁଝିିବା ପରେ ବୋଲିଂ କରିବେ।
