ମୁମ୍ବାଇ,୫।୧୨: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ସିରିଜର ଦ୍ୱିତୀୟ ତଥା ଅନ୍ତିମ ଟେଷ୍ଟ ମ୍ୟାଚ ମୁମ୍ବାଇର ୱାନକେଡେ ଷ୍ଟାଡିୟମରେ ଖେଳାଯାଉଛି। ସାତୋଟି ପାଇଁ ୨୭୬ ରେ ଭାରତ ଦ୍ୱିତୀୟ ଇନିଂସ ଘୋଷଣା କରିଥିଲା ଏବଂ ଦ୍ୱିତୀୟ ତଥା ଅନ୍ତିମ ଟେଷ୍ଟ ମ୍ୟାଚ ଜିତିବା ପାଇଁ ନ୍ୟୁଜିଲାଣ୍ଡକୁ ୫୪୦ ର କଷ୍ଟସାଧ୍ୟ ଲକ୍ଷ୍ୟ ସ୍ଥିର କରିଥିଲା।
ଏହାର ଜବାବରେ ନ୍ୟୁଜିଲାଣ୍ଡ ଆରମ୍ଭରୁ ୩ ଉଇକେଟ୍ ହରାଇଛି। ସ୍ପିନର୍ ରବିଚନ୍ଦ୍ରନ ଅଶ୍ୱିନ ଏହି ଉଇକେଟ୍ ନେଇଛନ୍ତି। ଏବେ ନ୍ୟୁଜିଲାଣ୍ଡ ୩ ଉଇକେଟ୍ ହରାଇ ୬୯ ରନ୍ କରିଛି। ଭାରତ ପ୍ରଥମ ଇନିଂସରେ ୩୨୫ ରନ ସଂଗ୍ରହ କରିଥିଲା, ଏହାର ଜବାବରେ ନ୍ୟୁଜିଲାଣ୍ଡ ୬୨ ରନରେ ଅଲଆଉଟ୍ ହୋଇଯାଇଥିଲା।
