ଜୁନାଗଡ଼,୧୨।୨: କଳାହାଣ୍ଡି ଜିଲା ଜୁନାଗଡ଼ ହାଇସ୍କୁଲ ପଡ଼ିଆରେ ଶୁକ୍ରବାର ସନ୍ଧ୍ୟାରେ ଜାତୀୟସ୍ତରୀୟ ଆଦିବାସୀ ଲୋକନୃତ୍ୟ ଓ ଲୋକ ସଙ୍ଗୀତ ଉତ୍ସବ ଉଦ୍ଘାଟିତ ହୋଇଯାଇଛି। ଓଡ଼ିଶା ସଙ୍ଗୀତ ନାଟକ ଏକାଡେମୀର ସଚିବ ପ୍ରବୋଧ କୁମାର ରଥଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍ଘାଟନୀ ସମାରୋହରେ ମୁଖ୍ୟଅତିଥି ଭାବେ ରାଜ୍ୟ ସରକାରଙ୍କ ଶକ୍ତିମନ୍ତ୍ରୀ କ୍ୟାପ୍ଟେନ ଦିବ୍ୟଶଙ୍କର ମିଶ୍ର ଯୋଗଦେଇ କଳାହାଣ୍ଡିର ଐତିହ୍ୟ, ସଂସ୍କୃତି, ପରମ୍ପରା ନିଆରା। ଏଠାକାର ଆଦିବାସୀଙ୍କ ଲୋକନୃତ୍ୟ, ଲୋକ ସଙ୍ଗୀତ ଦେଶ ବିଦେଶରେ ପହଞ୍ଚତ୍ଛି ବୋଲି କହିଥିଲେ। ସମ୍ମାନିତ ଅତିଥି ଭାବେ ଅତିରିକ୍ତ ଜିଲାପାଳ ଶରତ ଚନ୍ଦ୍ର ଶ୍ରୀଚନ୍ଦନ, ଧର୍ମଶାଳା ବିଧାୟକ ପ୍ରଣବ ବଳବନ୍ତ ରାୟ, ଚାନ୍ଦବାଲି ବିଧାୟକ ବ୍ୟୋମକେଶ ରାୟ, ଭଦ୍ରକ ବିଧାୟକ ସଞ୍ଜୀବ ମଲ୍ଲିକ, ବରିଷ୍ଠ ଖବରଦାତା ଉମାଶଙ୍କର କର ଯୋଗ ଦେଇଥିଲେ। ପ୍ରଫେସର ସୁଶାନ୍ତ କୁମାର ପାଢୀ ସଭା ପରିଚାଳନା କରିଥିଲେ। ଉଦ୍ଘାଟନୀ ସାଂସ୍କୃତିକ କାର୍ଯ୍ୟକ୍ରମରେ ଆସାମର ଭୋର୍ତାଲ୍-କାକଳି ହିଜାରିକା ଓ ସାଥି, ଝାରଖଣ୍ଡର ଛଉନୃତ୍ୟ ଖରସୁଆଁ-ଦିଲଦାର ଅନସାରୀ, ପଶ୍ଚିମବଙ୍ଗର ରେବେନ୍ସ-ବୋଲପୁର ଚତୁରଙ୍ଗ ଓ ସାଥି, ଓଡ଼ିଶାର ମୋଗଲତାମସା-ବଂଶୀବଲ୍ଲବ ସାହିତ୍ୟ ସଂସ୍କୃତି ପରିଷଦ ଭଦ୍ରକ ଓ ଦୁରୁଆ ନାଚ କୂଳମଣି ଜେନା ଓ ସାଥି କୋରାପୁଟ ନୃତ୍ୟ ପରିବେଷଣ କରିଥିଲେ।
