ନୁଆଦିଲ୍ଲୀ,୧୯ ।୧୨: ବଲିଉଡ ମୁଭି ‘ବର୍ଡର’ରେ ସୁନିଲ ସେଟ୍ଟି ଯେଉଁ ସୀମା ସୁରକ୍ଷା ବଳ(ବିଏସଏଫ୍) ଯବାନଙ୍କ ଭୂମିକାରେ ଅଭିନୟ କରିଥିଲେ ତାଙ୍କର ପରଲୋକ ହୋଇଛି । ୧୯୭୧ରେ ଭାରତ-ପାକିସ୍ତାନ ଯୁଦ୍ଧର ଅସଲ ହିରୋ ଥିଲେ ଭୈରୋନ ସିଂହ । ତାଙ୍କ ଉପରେ ନିର୍ମାଣ କରାଯାଇଥିଲା ବଲିଉଡ ମୁଭି ‘ବର୍ଡର’ । ଭୈରୋନ ସିଂହଙ୍କୁ ୧୯୭୧ ଯୁଦ୍ଧର ନାୟକ ବୋଲି କୁହାଯାଏ । ସେ ତାଙ୍କ ବାହଦୂରୀ ବଳରେ ଶତ୍ରୁ ସେନାଙ୍କ ଉପରେ କାଳ ଭାବେ ଠିଆ ହୋଇଥିଲେ ।
୧୯୮୭ରେ ସେ ସୀମା ସୁରକ୍ଷା ବଳରୁ ଅବସର ନେଇଥିଲେ । ମୁଣ୍ଡ ବ୍ୟଥା ଓ ଜ୍ୱର ଥିବାରୁ ତାଙ୍କୁ ଯୋଧପୁର ଏମ୍ସରେ ଚିକିତ୍ସାଲାଗି ଭର୍ତ୍ତି କରାଯାଇଥିଲା । ହେଲେ ସୋମବାର ପ୍ରାୟ ଦିନ ୨ଟା ବେଳେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ସୂଚନାଯୋଗ୍ୟ, ୧୯୭୧ରେ ଭାରତ-ପାକିସ୍ତାନ ଯୁଦ୍ଧରେ ଭାରତ ପାକିସ୍ତାନକୁ କଡା ଯବାବ ଦେବା ସହ ବିଜୟ ଲାଭ କରିଥିଲା । ୧୬ ଡିସେମ୍ବରରେ ମିଳିଥିବା ଏହି ବିଜୟକୁ ନେଇ ପ୍ରତିବର୍ଷ ଏହି ଦିନକୁ ବିଜୟ ଦିବସ ଭାବେ ପାଳନ କରାଯାଇଥାଏ ।
ଭୈରୋନ ସିଂହଙ୍କ ପରଲୋକ ଖବର ମିଳିବା ପରେ ବଲିଉଡ ଷ୍ଟାର ସୁନିଲ ସେଟ୍ଟି ଟୁଇଟ କରି ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଏହା ସହ ବିଏସଏଫ ବି ଟୁଇଟ କରି ଶ୍ରଦ୍ଧାଞ୍ଜଳି ଦେବାସହ ଡିଜି ବିଏସଏଫ ଓ ସମସ୍ତ ର୍ୟାଙ୍କ ୧୯୭୧ର ଯୁଦ୍ଧରେ ଲୌଗେୱାଲା ଯୁଦ୍ଧର ନାୟକ ଭୈରୋନ ସିଂ, ନାଇକ(ସେବାନିବୃତ୍ତ)ଙ୍କ ପରଲୋକରେ ଶୋକ ପ୍ରକାଶ କରିଛନ୍ତି । ବିଏସଏଫ ତାଙ୍କ ଲିଡସଶିପ, ବାହାଦୂରି, ସାହସ ଓ କର୍ତ୍ତବ୍ୟ ପ୍ରତି ସମର୍ପଣକୁ ସଲାମ କରିଛି । ପ୍ରହରି ପରିବାର ଏହି କଠିନ ସମୟରେ ତାଙ୍କ ପରିବାର ସହ ରହିଛନ୍ତି ।
DG BSF & all ranks condole the passing of Naik (Retd) Bhairon Singh, Sena Medal, the hero of #Longewala battle during 1971 War. BSF salutes his intrepid bravery, courage & dedication towards his duty.
Prahari parivar stands by his family in these trying times.#JaiHind pic.twitter.com/nzlqNJUi9K— BSF (@BSF_India) December 19, 2022
Rest in Power Naik Bhairon Singh Ji. Heartfelt condolences to the family 🙏 https://t.co/5A531HeouG
— Suniel Shetty (@SunielVShetty) December 19, 2022
