ଭୂକମ୍ପର ଝଟ୍‌କାରେ ଥରିଲା ଇଣ୍ଡୋନେସିଆ, ରିକ୍ଟର ସ୍କେଲରେ ତୀବ୍ରତା ୬.୭

ଜାକର୍ତ୍ତା,୯।୧: ମଙ୍ଗଳବାର ଅର୍ଥାତ୍‌ ଜାନୁଆରୀ ୯ରେ ଇଣ୍ଡୋନେସିଆର ତାଲାଉଡ ଦ୍ୱୀପପୁଞ୍ଜରେ ୬.୭ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଅନୁଭୂତ ହୋଇଛି। ନ୍ୟାସନାଲ ସେଣ୍ଟର ଫର ସେସମୋଲୋଜି (ଏନସିଏସ) ଅନୁଯାୟୀ ଏହି ଭୂକମ୍ପର କେନ୍ଦ୍ରସ୍ଥଳ ପୃଥିବୀ ତଳେ ୮୦କିଲୋମିଟର ଗଭୀରରେ ଥିଲା। ଭାରତୀୟ ସମୟ ଅନୁଯାୟୀ, ରାତି ପ୍ରାୟ ୨ଟା ୧୮ ସମୟରେ ଏହି ଭୂକମ୍ପ ଅନୁଭୂତ ହୋଇଥିଲା।

ନ୍ୟାସନାଲ ସେଣ୍ଟର ଫର ସେସମୋଲୋଜି (ଏନସିଏସ) ଏକ୍ସରେ ପୋଷ୍ଟ କରି ସୂଚନା ଦେଇଛି ଯେ ଭୂକମ୍ପର କେନ୍ଦ୍ରସ୍ଥଳ ପୃଥିବୀ ପୃଷ୍ଠରୁ ୮୦ କିଲୋମିଟର ତଳେ ଥିଲା। ଇଣ୍ଡୋନେସିଆର ତାଲାଉଡ ଦ୍ୱୀପରେ ଏହି ଭୂକମ୍ପର କମ୍ପନ ଅନୁଭୂତ ହୋଇଥିଲା। ଯୁକ୍ତରାଷ୍ଟ୍ରର ଭୂତତ୍ତ୍ୱ ସର୍ବେକ୍ଷଣ (USGS) କହିଛି ଯେ ଗତ ସପ୍ତାହରେ ଇଣ୍ଡୋନେସିଆର ବଲାଇ ପୁଙ୍ଗୁଟରେ ପ୍ରବଳ ଭୂକମ୍ପ ଅନୁଭୂତ ହୋଇଛି।