ବେଙ୍ଗାଲୁର: ବର୍ତ୍ତମାନ ବେଙ୍ଗାଲୁରୁରେ ସୃଷ୍ଟି ହୋଇଥିବା ବନ୍ୟା ପରିସ୍ଥିତି ପାଇଁ ଜୀବନଜୀବିକା ବାଧାପ୍ରାପ୍ତ ହେଉଛି। ଗତ କିଛି ଦିନ ଧରି ଲଗାଣ ବର୍ଷା ପରେ ଏପରି ପରିସ୍ଥିତି ସୃଷ୍ଟି ହୋଇଛି। ପରିସ୍ଥିତିରେ ଏଯାବତ୍ ସୁଧାର ଆସି ନ ଥିବା ବେଳେ ଆସନ୍ତା କିଛି ଦିନ ହେବ ସହରରେ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ତେବେ ସୋସିଆଲ ମିଡିଆରେ ଲୋକଙ୍କ ଭିଡିଓ ଭାଇରାଲ ହେଉଛି।
ନିକଟରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭାଇରାଲ ଭିଡିଓରେ ଦେଖିବାକୁ ମିଳୁଛି, ଜଣେ ବ୍ୟକ୍ତିଙ୍କ ଘରେ ପାଣି ପଶି ଯାଇଛି। ପାଣି ଭର୍ତ୍ତି ଯୋଗୁ ଘର ସୁଇମିଂ ପୁଲର ଭ୍ରମ ସୃଷ୍ଟି କରିଛି। ଅନ୍ୟପକ୍ଷେ ବ୍ୟକ୍ତି ଜଣକ ଘରେ ଗାଧୋଉଛନ୍ତି ।
ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭାଇରାଲ ଭିଡିଓକୁ ଦେଖିଲେ ବେଙ୍ଗାଲୁରୁର ପରିସ୍ଥିତି କିପରି ଅଛି ଅନୁମାନ କରିହେବ। ଏହି ଭିଡିଓ ଦେଖିବା ପରେ ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହା ପୂର୍ବରୁ ମଧ୍ୟ ସୋସିଆଲ ମିଡିଆରେ ଅନେକ ଭାଇରାଲ ଭିଡିଓ ଦେଖିବାକୁ ମିଳିଥିଲା।