ନୂଆଦିଲ୍ଲୀ,୨୨ା୧୦: ଇଣ୍ଡସ୍ଇଣ୍ଡ୍ ବ୍ୟାଙ୍କ ପକ୍ଷରୁ ଇଣ୍ଡସ୍ଇଣ୍ଡ୍ ବ୍ୟାଙ୍କ ୪ଜି ସାଉଣ୍ଡ୍ବକ୍ସ ନିକଟରେ ଉନ୍ମୋଚନ କରାଯାଇଛି। ବିଶେଷକରି ଦେଶର ସମସ୍ତ କିରାନା ଷ୍ଟୋର, ଖୁଚୁରା ବ୍ୟବସାୟୀ ସାଙ୍ଗକୁ ଯେଉଁମାନେ ଦୋକାନରେ ନଗଦ କିମ୍ବା କ୍ୟୁଆର୍ କୋଡ୍ ଜରିଆରେ ଦେୟ ବା ପେମେଣ୍ଟ ଗ୍ରହଣ କରୁଛନ୍ତି ସେମାନଙ୍କ ପାଇଁ ଇଣ୍ଡସ୍ଇଣ୍ଡ୍ ବ୍ୟାଙ୍କ ସାଉଣ୍ଡ୍ବକ୍ସ ବେଶ୍ ଉପଯୋଗୀ ସାବ୍ୟସ୍ତ ହେବ ଏବଂ ଡିଜିଟାଲ ପେମେଣ୍ଟ ଗ୍ରହଣ କରିବା ଲାଗି ରହିଥିବା ସେମାନଙ୍କ ବିଶ୍ୱାସ ବୃଦ୍ଧି ପାଇବ। ଏହି ସାଉଣ୍ଡ୍ବକ୍ସ ଜରିଆରେ ବ୍ୟାଙ୍କ ଏହାର ଡିଜିଟାଲ୍ ପେମେଣ୍ଟକୁ ଅଧିକ ପରିବ୍ୟାପ୍ତ କରିବା ଉପରେ ଗୁରୁତ୍ୱାରୋପ କରୁଛି। ଇଣ୍ଡସ୍ଇଣ୍ଡ୍ ବ୍ୟାଙ୍କ୍ର ସାଉଣ୍ଡ୍ବକ୍ସ ହେଉଛି ଏକ ପୋର୍ଟେବଲ୍ ସ୍ପିକର ଯେଉଁଥିରେ ଏକ ଉତ୍ସର୍ଗୀକୃତ ୪ଜି ସିମ୍ କାର୍ଡ ସ୍ଲଟ୍ ରହିଛି ଯାହା ଡାଟା ସଂଯୋଗ ପ୍ରଦାନ କରିବ। ଯେକୌଣସି କମ୍ପାନୀର ୪ଜି ସିମ୍କୁ ଏଥିରେ ବ୍ୟବହାର କରି ହେବ। ଫଳରେ ସେମାନଙ୍କୁ ଆଉ ପ୍ରତି କାରବାର ପାଇଁ ଏସ୍ଏମ୍ଏସ୍ ପଢ଼ିବାକୁ ପଡ଼ିବ ନାହିଁ ଓ ସେ ସୁରୁଖୁରୁରେ ବ୍ୟବସାୟ ଜାରି ରଖିପାରିବେ। ଇଣ୍ଡସ୍ଇଣ୍ଡ୍ ସାଉଣ୍ଡ୍ବକ୍ସ ୧୧ଟି ଆଞ୍ଚଳିକ ଭାଷାରେ ଉପଲବ୍ଧ ହେଉଥିବାରୁ ସାରା ଦେଶର କ୍ଷୁଦ୍ର ବ୍ୟବସାୟୀ ତାହାକୁ ବ୍ୟବହାର କରିପାରିବେ। ଏଥିରେ ରହିଥିବା ୨୬୦୦ ଏମ୍ଏଏଚ୍ର ବ୍ୟାଟେରିକୁ ଥରେ ଚାର୍ଜ କଳେ ତାହା ୩୦୦୦ ପେମେଣ୍ଟର ସୂଚନା ଦେଇପାରିବ।
ଏ ସମ୍ପର୍କରେ ଇଣ୍ଡସ୍ଇଣ୍ଡ୍ ବ୍ୟାଙ୍କର ମୁଖ୍ୟ ଡିଜିଟାଲ ବ୍ୟାଙ୍କିଙ୍ଗ୍ ଓ ଷ୍ଟ୍ରାଟେଜି (ଏକ୍ଜିଷ୍ଟିଂ ବିଜ୍ନେସ୍) ଚାରୁ ସଚ୍ଚଦେବ ମାଥୁର କହିଛନ୍ତି, କ୍ଷୁଦ୍ର ବ୍ୟବସାୟୀମାନେ ଭାରତୀୟ ଅର୍ଥନୀତିର ଅବିଚ୍ଛେଦ୍ୟ ଅଙ୍ଗ ବୋଲି ଆମେ ସର୍ବଦା ବିଶ୍ୱାସକରୁ। ସେହି ଭାବନାକୁ ନଜରରେ ରଖି ଇଣ୍ଡସ୍ଇଣ୍ଡ୍ ବ୍ୟାଙ୍କ ସାଉଣ୍ଡ୍ବକ୍ସକୁ ଉନ୍ମୋଚନ କରିଥିବାରୁ ଆମେ ଅତ୍ୟନ୍ତ ଉଲ୍ଲସିତ ଯାହା ଦେଶର ଲକ୍ଷ ଲକ୍ଷ ବ୍ୟବସାୟୀ ଓ ଖୁଚୁରା ବ୍ୟବସାୟୀଙ୍କୁ ସେମାନଙ୍କ ଇଣ୍ଡସଇଣ୍ଡ୍ ବ୍ୟାଙ୍କ୍ ଖାତାରେ ଆସିଥିବା ପେମେଣ୍ଟର ତତ୍କାଳ ସୂଚନା (ନୋଟିଫିକେଶନ) ପ୍ରଦାନ କରିବ।