![](https://www.dharitri.com/wp-content/uploads/2024/07/11-14-1568x1187.jpg)
ଭୁବନେଶ୍ୱର,୧୨ା୭(ଅଭୟ ଦାଶ): ରାଜ୍ୟର ଅଗ୍ରଣୀ ଘରୋଇ ସଂସ୍ଥା ତଥା ଓଡ଼ିଶାର ସର୍ବବୃହତ୍ କମ୍ପ୍ୟୁଟର ଓ ଆସେସରିଜ୍ ଡିଷ୍ଟ୍ରିବ୍ୟୁଟର ‘ଇନ୍ଫୋଜୋନ୍’ର ପ୍ରଥମ ଏକ୍ସକ୍ଲୁସିଭ ରିଟେଲ୍ ଶପ୍ ଗୁରୁବାର ଭୁବନେଶ୍ୱର ଶହୀଦନଗରଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଭୁବନେଶ୍ୱର ଏକାମ୍ର ବିଧାୟକ ବାବୁ ସିଂ ସମ୍ମାନିତ ଅତିଥି ଭାବେ ଯୋଗ ଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଓଡ଼ିଆ ଅଭିନେତା ସବ୍ୟସାଚୀ ମିଶ୍ର, ଅଭିନେତ୍ରୀ ଅର୍ଚ୍ଚିତା ସାହୁ ଏବଂ ଇନ୍ଫୋଜୋନ୍ର ପ୍ରତିଷ୍ଠାତା ତଥା ସିଇଓ ରାକେଶ ମହାପାତ୍ର ପ୍ରମୁଖ ଉପସ୍ଥିତ ଥିଲେ।
ଏ ସମ୍ପର୍କରେ ଇନ୍ଫୋଜୋନ୍ର ପ୍ରତିଷ୍ଠାତା ତଥା ସିଇଓ ରାକେଶ ମହାପାତ୍ର କହିଥିଲେ, ଆମେ ୨୦୦୬ରୁ ଭୁବନେଶ୍ବରରେ କମ୍ପ୍ୟୁଟର ଓ ଆସେସରିଜ୍ ଡିଷ୍ଟ୍ରିବ୍ୟୁଟର ଭାବେ ଗ୍ରାହକଙ୍କୁ ଗୁଣାତ୍ମକ ଉତ୍ପାଦଗୁଡିକୁ ଉଚିତ ମୂଲ୍ୟରେ ଯୋଗାଇବା ସହ ବିକ୍ରୟ ପରବର୍ତ୍ତୀ ସେବା ପ୍ରଦାନ ସହ ଗ୍ରାହକଙ୍କ ବିଶ୍ବାସଭାଜନ ହେବାରେ ସଫଳ ହୋଇଛୁ। ଏପରିକି ଆମ ରିଟେଲ ଶପ୍ରେ ସମସ୍ତ ଲୋକପ୍ରିୟ ବ୍ରାଣ୍ଡ୍ ଯଥା ଆସର୍, ଆସସ୍, ଏମ୍ଏସ୍ଆଇ, ଡେଲ୍, ଏଚ୍ପି, ଲେନେଭୋ, ଗିଗାବାଇଟ୍, ପ୍ରୋଟ୍ରୋନିକ୍ସ ଓ ଏପସନ୍ ପରି ନାମୀଦାମୀ ବ୍ରାଣ୍ଡ୍ର କମ୍ପ୍ୟୁଟର ଓ ଆସେସରିଜ୍ ଉପଲବ୍ଧ ରହିଛି।