ନୟାଗଡ଼ ଅଫିସ,୨୫।୧୦: ନୟାଗଡ଼ ଜିଲା ଗଣିଆ ବ୍ଲକ ଛାମୁଣ୍ଡିଆ ପଞ୍ଚାୟତର ମୁଦୁଲିଗାଡିଆ ଇକୋ ଭିଲେଜ ମାନ୍ୟତା ପାଇବାର ୨ବର୍ଷ ବିତିଯାଇଛି। ହେଲେ ଏଠାରେ ଲାଗିରହିଥିବା ସମସ୍ୟା ସମାଧାନ ହେଉ ନ ଥିବାରୁ ପର୍ଯ୍ୟଟକଙ୍କୁ ଏହି ଗଁ। ଆକର୍ଷିତ କରିପାରୁନି। ମହାନଦୀ ପାଖରେ ଥାଇ ବି ପାନୀୟଜଳ ସମସ୍ୟା ଦୂର ହୋଇପାରିନି। ବନ୍ୟା ଆସିଲେ ଗଁ। ବିଚ୍ଛିନ୍ନ ହେଉଥିଲେ ହେଁ ମାଳବନ୍ଧ ନିର୍ମାଣ ପ୍ରତି ଗୁରୁତ୍ୱ ଦିଆଯାଉନି। ତେବେ ଗାଁର ବିକାଶ ହେଉ ନ ଥିବାବେଳେ ମଙ୍ଗାନାସିସ୍ଥିତ ବରମୂଳ ସାତକୋଶିଆ ପରିବେଶ ପର୍ଯ୍ୟଟନ କେନ୍ଦ୍ରକୁ ଗ୍ରାମବାସୀ ପରିଚାଳନା କରି ଲୋକପ୍ରିୟତା ହାସଲ କରିପାରିଛନ୍ତି। ଏହି ପର୍ଯ୍ୟଟନ କେନ୍ଦ୍ର ଯୋଗୁ କେବଳ ପର୍ଯ୍ୟଟକ ମୁଦୁଲିଗାଡିଆ ଆସୁଥିବା କୁହାଯାଉଛି।
ମୁଦୁଲିଗାଡିଆରେ ୨୫ ପରିବାରର ୨୫୦ ଲୋକ ବାସ କରନ୍ତି। ଏଠାକାର ବାସିନ୍ଦାଙ୍କର ଜୀବନଜୀବିକା ଉନ୍ନତ ନୁହେଁ। ମହାନଦୀ ପାଖରେ ଥାଇ ବି ଜଳସେଚନର ସୁବିଧା ନାହିଁ। ପୁଣି ପାନୀୟଜଳ ସମସ୍ୟା ଲାଗିରହିଛି। ୧୦ବର୍ଷ ତଳେ ଏଠାରେ ଏକ ବୋର୍ ପଏଣ୍ଟ କରାଯାଇଥିଲା। ତେବେ ଠିକାଦାର ବିଲ୍ ନେଇ କାମ ଅଧାପନ୍ତରିଆ କରି ଛାଡିଗଲେ। ଏହା ପରଠାରୁ ଏହି ସମସ୍ୟା ସମାଧାନ ନେଇ କେହି ଅଗ୍ରହ ପ୍ରକାଶ କରୁନାହାନ୍ତି। ଫଳରେ ଗଁ। ଲୋକେ ବର୍ଷତମାମ ପାନୀୟ ଜଳ ପାଇଁ ହଇରାଣ ହୋଇଆସୁଛନ୍ତି। ସେହିଭଳି ଗଁାରେ ଅଙ୍ଗନୱାଡି କେନ୍ଦ୍ର, ପ୍ରାଥମିକ ବିଦ୍ୟାଳୟ ନାହିଁ। ଏଠାର ପିଲାମାନେ ଦେଢ଼କିମି ଦୂର ବେଠିଆସାହିକୁ ପଢିବା ପାଇଁ ଯାଉଛନ୍ତି। ୨୦୧୮ରେ ଏହି ଗଁ। ଇକୋ ଭିଲେଜ ମାନ୍ୟତା ପାଇବା ପରେ ସ୍ଥାନୀୟ ଲୋକେ ଆଶା କରିଥିଲେ ଗଁ।ର ବିକାଶ ହେବ। ହେଲେ ଦୁଇବର୍ଷ ପରେ ବି କିଛି ପରିବର୍ତ୍ତନ ଘଟି ନାହିଁ। କେବଳ ରଙ୍ଗ ଲଗାଯାଇଥିବାରୁ ଗଁ। ଲୋକଙ୍କ ଘରଗୁଡିକ ସୁନ୍ଦର ଦେଖାଯାଉଛି। ଅନ୍ୟପକ୍ଷେ ସାତକୋଶିଆ ପରିବେଶ ପର୍ଯ୍ୟଟନ କେନ୍ଦ୍ରକୁ ଏହି ଗଁ।ର ଲୋକମାନେ ପରିଚାଳନା କରୁଛନ୍ତି। ଗୋଷ୍ଠୀଗତ ଭାବେ ପରିଚାଳନା କରି ଗ୍ରାମବାସୀ ୧ କୋଟିରୁ ଊର୍ଦ୍ଧ୍ୱ ବ୍ୟବସାୟ କରିଛନ୍ତି। ହେଲେ କରୋନା କଟକଣା ଯୋଗୁ ପର୍ଯ୍ୟଟନ କେନ୍ଦ୍ର ବନ୍ଦ ରହିଥିଲା। ଏବେ କିଛିଦିନ ହେଲା ଖୋଲିଥିବାରୁ ଧୀରେ ଧୀରେ ପର୍ଯ୍ୟଟକଙ୍କ ସଂଖ୍ୟା ବଢ଼ିବାରେ ଲାଗିଛି। ପର୍ଯ୍ୟଟନ କେନ୍ଦ୍ର ପରିଚାଳନା କମିଟି ସମ୍ପାଦକ ପୂର୍ଣ୍ଣଚନ୍ଦ୍ର ନାୟକ କୁହନ୍ତି, ମୁଦୁଲିଗାଡିଆରେ ପାନୀୟ ଜଳ, ଶିକ୍ଷା, ମାଳବନ୍ଧ ପରି ସମସ୍ୟା ଲାଗିରହିଥିବାରୁ ଏହାର ସମାଧାନ ହେବା ଦରକାର। ଅନ୍ୟପକ୍ଷେ ବରମୂଳ ପର୍ଯ୍ୟଟନ କେନ୍ଦ୍ର ଯୋଗୁ ଆଜି ମୁଦୁଲିଗାଡିଆ ପରିଚିତ ହୋଇ ପାରିଛି। ଲୋକଙ୍କ ଜୀବନଜୀବିକାରେ ଉନ୍ନତି ଘଟିଛି। ଏଣୁ ଗଁ।ର ବିକାଶକୁ ଅଣଦେଖା କରିବା ଅନୁଚିତ। ଜିଲା ଟୁରିଷ୍ଟ ଅଫିସର ଦେବଦତ୍ତ ରଥ କୁହନ୍ତି, ମୁଦୁଲିଗାଡିଆର ସମସ୍ୟାକୁ ଅନୁଧ୍ୟାନ କରି ପଦକ୍ଷେପ ନେବାକୁ ଚେଷ୍ଟା କରିବୁ।