ଭୁବନେଶ୍ୱର,୨୧।୪ (ବ୍ୟୁରୋ): ଶହୀଦନଗରସ୍ଥିତ ସାଇ ଇନ୍ଷ୍ଟିଚ୍ୟୁଟ୍ ଅଫ୍ ଗ୍ୟାଷ୍ଟ୍ରୋଏଣ୍ଟ୍ରୋଲୋଜି ଓ ଲିଭର୍ ସାଇନ୍ସର ପ୍ରତିଷ୍ଠାତା ଡା. ଆଶୁତୋଷ ମହାପାତ୍ରଙ୍କ ପ୍ରଚେଷ୍ଟା ଦ୍ୱାରା କଲୋନ କ୍ୟାନ୍ସର ବା ବଦନ୍ତ କର୍କଟକୁ ପ୍ରାରମ୍ଭିକ ପର୍ଯ୍ୟାୟରେ ନିରୂପଣ କରାଯାଇଛି। ଜଣେ ୫୬ବର୍ଷର ବ୍ୟକ୍ତି ପେଟ ସମସ୍ୟା ନେଇ ଡ. ମହାପାତ୍ରଙ୍କ ନିକଟକୁ ଆସିଥିଲେ। ଏଣ୍ଡୋସାଇଟୋସ୍କୋପି ମାଧ୍ୟମରେ ସେ ଏର୍ଲି କଲୋନ କ୍ୟାନ୍ସର ବୋଲି ନିରୂପଣ କରିଛନ୍ତି। ରୋଗୀଙ୍କ କଲୋନରେ ୭ ମିମି ବା ଏକ ବଡ଼ ପିମ୍ପୁଡ଼ି ଆକାରର ଟ୍ୟୁମର ଥିବା ଜଣାପଡିଥିଲା। ପ୍ରାଥମିକ ପର୍ଯ୍ୟାୟରୁ ଏହି କ୍ୟାନ୍ସର ଜଣାପଡିବା ନିଶ୍ଚିତ ଓଡ଼ିଶାରେ ବିରଳ ବୋଲି ଡ. ମହାପାତ୍ର କହିଛନ୍ତି।
