ପ୍ୟାରିସ୍,୧।୧୦(ଏପି): ଇଞ୍ଜୁରି ଆମେରିକୀୟ ଅଭିଜ୍ଞ ମହିଳା ଟେନିସ୍ ତାରକା ସେରେନା ଓ୍ବିଲିୟମ୍ସଙ୍କ ପିଛା ଛାଡୁନାହିଁ। ୨୪ଟି ଗ୍ରାଣ୍ଡସ୍ଲାମ ଟାଇଟଲ ଜିତିଥିବା ସେରେନା ଇଞ୍ଜୁରି କାରଣରୁ ଚଳିତ ଫ୍ରେଞ୍ଚ୍ ଓପନ୍ ଟେନିସ ଟୁର୍ନାମେଣ୍ଟରୁ ଓହରିଯାଇଛନ୍ତି। ସେ ଏବେ ଚାଲିବାକୁ ସଂଘର୍ଷ କରୁଛନ୍ତି। ବୁଧବାର ସେ ତାଙ୍କ ଦ୍ୱିତୀୟ ରାଉଣ୍ଡ ମ୍ୟାଚ୍ ପୂର୍ବରୁ ଓହରିଯାଇଛନ୍ତି। ଆଚିଲ୍ସ ହିଲ ଅର୍ଥାନ ଆଣ୍ଠରୁ ନିମ୍ନରେ ଥିବା ଗୋଡର ପଛ ଭାଗର ମାଂସପେଶୀରେ ଆଘାତ ଲାଗିଛି।
୩ ସପ୍ତାହ ତଳେ ଗତ ୟୁଏସ୍ ଓପନ ଟୁର୍ନାମେଣ୍ଟ ସେମିଫାଇନାଲ ମୁକାବିଲାରେ ସେ ଆଘାତ ପାଇଥିଲେ। ଏହି ଆଘାତରୁ ମୁକ୍ତ ହେବା ପାଇଁ ତାଙ୍କ ପାଖରେ ପର୍ଯ୍ୟାପ୍ତ ସମୟ ନ ଥିଲା। ୪ରୁ ୬ ସପ୍ତାହ ସେ କିଛି ନ କରି କେବଳ ବସିବା ଆବଶ୍ୟକ କରୁଛନ୍ତି। ୩୯ ବର୍ଷୀୟ ସେରେନା ଦ୍ୱିତୀୟ ରାଉଣ୍ଡରେ ଶ୍ୱେତାନା ପିରଙ୍କୋଭାଙ୍କୁ ଭେଟିବାର କାର୍ଯ୍ୟକ୍ରମ ଥିଲା। ପୂର୍ବରୁ ସେରେନା ୨୦୧୮ ଫ୍ରେଞ୍ଚ୍ ଓପନ୍ ଚତୁର୍ଥ ରାଉଣ୍ଡରୁ ଓହରିଯାଇଥିଲେ।