ପାଟନା, ୨୩ା୮: କେନ୍ଦ୍ର ମନ୍ତ୍ରୀମଣ୍ଡଳରେ ସ୍ଥାନ ପାଇବା ପରେ ପ୍ରଥମ ଥର ପାଇଁ ନିଜ ଲୋକ ସଭା ନିର୍ବାଚନମଣ୍ଡଳୀ ବିହାରର ହାଜିପୁର ଗସ୍ତ କରିଥିବା ପଶୁପତି ପାରସଙ୍କ ଉପରକୁ ସୋମବାର କାଳିମାଡ଼ ହୋଇଛି। ଲୋକ ଜନଶକ୍ତି ପାର୍ଟି(ଏଲ୍ଜେପି) ଏମ୍ପି ପଶୁପତିଙ୍କ କନ୍ଭେ ହାଜିପୁରରେ ପହଞ୍ଚିବା ପରେ ପୁତୁରା ଚିରାଗ ପାଶଓ୍ବାନଙ୍କ ଜଣେ ମହିଳା ସମର୍ଥକ ତାଙ୍କ ଉପରକୁ କାଳି ଫିଙ୍ଗିଥିଲେ। ପରେ ପଶୁପତି ତାଙ୍କ ପୋଷାକ ବଦଳାଇଥିଲେ। ଗତ ଜୁଲାଇ ୮ରେ ପଶୁପତିଙ୍କୁ ଖାଦ୍ୟ ପ୍ରକ୍ରିୟାକରଣ ବିଭାଗର କ୍ୟାବିନେଟ ମନ୍ତ୍ରୀ କରାଯାଇଥିଲା।