ପୋକଜୋକ, କୀଟପତଙ୍ଗ ଅନେକଙ୍କୁ ପସନ୍ଦ ନ ଥାଏ। କେହି କେହି ଏମାନଙ୍କୁ ଡରନ୍ତି ତ ଆଉ କିଏ ଘୃଣା କରନ୍ତି। ହେଲେ କିଛି ପୋକ, କୀଟପତଙ୍ଗର ରଙ୍ଗ ଏତେ ସୁନ୍ଦର ହୋଇଥାଏ ଯେ, ସେମାନଙ୍କୁ ଦେଖିଲେ ଆଖି ଲାଖିଯାଏ। ୟୁକେର ଡୁରାନ ଜେ’ ନାମକ ମେକ୍ଅପ୍ ଆର୍ଟିଷ୍ଟ ଏଇଭଳି କିଛି ପୋକଜୋକଙ୍କଠାରୁ ପ୍ରେରଣା ପାଇ କରନ୍ତି ଆଇ ମେକ୍ଅପ୍। ସେ ଯେଉଁ କୀଟପତଙ୍ଗ ଅବା ପୋକ ଶରୀରର ରଙ୍ଗଠାରୁ ପ୍ରେରଣା ପାଇ ଆଇ ମେକ୍ଅପ୍ କରନ୍ତି ତା’ର ଫଟୋ ମେକ୍ଅପ୍ ହୋଇଥିବା ଆଖିର ଫଟୋ ପାଖରେ ରଖି ସୋସିଆଲ ମିଡିଆରେ ପୋଷ୍ଟ କରନ୍ତି। ବହୁ ପୂର୍ବରୁ ଡୁରାନ୍ଙ୍କର ପୋକ, କୀଟପତଙ୍ଗ ପ୍ରତି ଦୁର୍ବଳତା ଥିଲା। ସେମାନଙ୍କ ଶରୀରର ରଙ୍ଗ ତାଙ୍କୁ ଆକର୍ଷିତ କରୁଥିଲା। ସେଥିପାଇଁ ସେ ସେମାନଙ୍କ ଶରୀରର ରଙ୍ଗରୁ ପ୍ରେରଣା ପାଇ ଆଇ ମେକ୍ଅପ୍ କରିବାକୁ ଲାଗିଲେ।