ଭୁଜ,୧୮ ।୭: ଲୋକପ୍ରିୟ ଟେଲିଭିଜନ ଧାରାବାହିକ ‘ବାଳିକା ବଧୂ’ରୁ ପ୍ରେରଣା ପାଇ ଗୁଜରାଟ କଚ୍ଛର ଏକ ପ୍ରଗତିଶୀଳ ଗାଁ ବାଳିକା ପଞ୍ଚାୟତ ମାଧ୍ୟମରେ ମହିଳାଙ୍କୁ ସଶକ୍ତ କରିବାକୁ ପ୍ରୟାସ କରିଛି । ଏହାର ଉଦ୍ଦେଶ୍ୟ ରହିଛି ମହିଳାଙ୍କ ସମସ୍ୟାକୁ ଆଡ୍ରେସ କରିବା ଓ ମହିଳାଙ୍କ, ମହିଳାଙ୍କ ଦ୍ୱାରା ମହିଳାଙ୍କ ସମସ୍ୟାର ସମାଧାନ କରିବା । ଭୁଜ ଜିଲା ମୁଖ୍ୟାଳୟଠାରୁ ପାଖାପାଖି ୧୮ କିଲୋମିଟର ଦୂର କୁନରିୟା ଗାଁର ଜନସଂଖ୍ୟା ପ୍ରାୟ ୪,୦୦୦ । ଗାଁରେ ୧୦-୨୧ ବର୍ଷର ଯୁବା ମହିଳା ନିର୍ବାଚନ ଲଢିବେ । ସୋମବାର ଏଠାରେ ନିର୍ବାଚନ ହେବାକୁ ଥିବା ବେଳେ ୮ ଜଣ ପ୍ରତିଦ୍ୱନ୍ଦି ମଇଦାନକୁ ଓହ୍ଲାଇଥିଲେ । ଯେଉଁମାନଙ୍କ ମଧ୍ୟରୁ ୪ ଜଣ ସେମାନଙ୍କ ପ୍ରାର୍ଥିପତ୍ର ଫେରାଇ ନେଇଛନ୍ତି । ଏବେ ବାକିଥିବା ୪ଜଣ ପ୍ରାର୍ଥୀ ଘର ଘର ବୁଲି ବୁଝାଇବେ ଯେ ତାଙ୍କୁ କାହିଁକି ମହିଳାମାନେ ସରପଞ୍ଚ ଭାବେ ଭୋଟ ଦେବେ । ତେବେ ବାଳିକା ପଞ୍ଚାତର ମୂଳ ଉଦ୍ଦେଶ୍ୟ ହେଉଛି ଗାଁରୁ ମହିଳା ନେତା ସୃଷ୍ଟି କରିବା ।
