ସୋସିଆଲ ମିଡିଆର ପ୍ରଭାବ ଏବେ ବଢିବାରେ ଲାଗିଛି। ଲୋକେ ଛୋଟରୁ ଛୋଟ ଭିଡିଓ କରି ସୋସିଆଲ ମିଡିଆ ଫେସବୁକ୍, ଇନଷ୍ଟାରେ ଅପଲୋଡ୍ କରୁଛନ୍ତି। ଫଟୋ ଓ ରିଲ୍ସର ବଡ ପ୍ଲାଟଫର୍ମ ସାଜିଛି ଇନଷ୍ଟାଗ୍ରାମ। ଯେଉଁଥିରେ ଲୋକେ ବିଭିନ୍ନ ଫଟୋ ଅପଲୋଡ୍ କରିବା ସହ ବିଭିନ୍ନ କଣ୍ଟେଣ୍ଟ ଉପରେ ଭିଡିଓ ଅପଲୋଡ୍ କରୁଛନ୍ତି। ଟିକେ ଲାଇକ୍ ଓ ଭ୍ୟୁ ପାଇବା ପାଇଁ ଲୋକେ କିଛି ବି କରିବାକୁ ପଛାଉ ନାହାନ୍ତି। କିନ୍ତୁ ଯଦି ଲାଇକ୍, ଭ୍ୟୁ ନ ଆସିଲା ତେବେ ନିରାଶ ହୋଇଯାଉଛନ୍ତି। ହେଲେ ଆପଣ ଜାଣିଛନ୍ତି କି, ଇନଷ୍ଟାରେ ରିଲ୍ସ ପୋଷ୍ଟ କରିବାର ସଠିକ୍ ସମୟ କେଉଁଟି। ଆସନ୍ତୁ ଜାଣିବା।
ଯଦି ଆପଣ କାହାକୁ ଇନଷ୍ଟାଗ୍ରାମ ରିଲ୍ସ କିପରି ଭାଇରାଲ କିମ୍ବା ଭ୍ୟୁ ହେବ ପଚାରନ୍ତି, ସେମାନେ ପ୍ରାୟତ ସମାନ ଉତ୍ତର ଦେବେ। ସେମାନଙ୍କ କହିବାନୁସାରେ, ଇନଷ୍ଟାଗ୍ରାମରେ କ୍ରମାଗତ ଭାବରେ ରିଲ୍ସ ପୋଷ୍ଟ କରନ୍ତୁ, କଣ୍ଟେଣ୍ଟେ କିପରି ଆଟ୍ରାକ୍ଟିଭ ହେବ ସେ ଉପରେ କାମ କରନ୍ତୁ । କିନ୍ତୁ ରିଲ୍ସ କେଉଁ ସମୟରେ ପୋଷ୍ଟ କରାଯିବା ଉଚିତ ତାହା କେହି କୁହନ୍ତି ନାହିଁ ।
କହିରଖୁଛୁ କି, ଲାଇକ୍-ଭ୍ୟୁ ବଢାଇବାକୁ ଚାହୁଁଥିଲେ କେବଳ ଭଲ କଣ୍ଟେଣ୍ଟ ନୁହେଁ ସଠିକ୍ ସମୟ ଦେଖି ପୋଷ୍ଟ କରନ୍ତୁ। ଏହାଦ୍ୱାରା ଆପଣଙ୍କ ବେଶୀ ଭ୍ୟୁଜ୍ ଆସିବ।
ଇନଷ୍ଟାଗ୍ରାମ ରିଲ୍ରେ କ୍ୟାଲିଟି କଣ୍ଟେଣ୍ଟେ ଓ ଲଗାତାର ପୋଷ୍ଟ କରିବା ଯେତିକି ଗୁରୁତ୍ୱପୂର୍ଣ୍ଣ, ଠିକ ସମୟରେ ରିଲ ପୋଷ୍ଟ କରିବା ମଧ୍ୟ ସମାନ ଗୁରୁତ୍ୱପୂର୍ଣ୍ଣ । ଯଦି ଆପଣ ଠିକ ସମୟରେ ରିଲ ପୋଷ୍ଟ କରନ୍ତି ନାହିଁ ତେବେ ଏହା ଭାଇରାଲ ହୋଇ ନ ଥାଏ। ଆଉ ଏହାର ରିଚ୍ ଉପରେ ମଧ୍ୟ ପ୍ରଭାବ ପଡିଥାଏ। ତେଣୁ ଠିକ୍ ସମୟରେ ରିଲ୍ସ ପୋଷ୍ଟ କଲେ ଭ୍ୟୁ ବେଶୀ ବଢିଥାଏ।
ଇନଷ୍ଟାଗ୍ରାମର ଆଲଗୋରିଦମ ଅନୁଯାୟୀ, ଆପଣଙ୍କ ଫଲୋର୍ସମାନେ ଇନଷ୍ଟାରେ ଅଧିକ ସକ୍ରିୟ ଥିବା ସମୟରେ ରିଲ୍ ପୋଷ୍ଟ କରିବା ଉଚିତ୍। କିନ୍ତୁ ଏହା କିପରି ଜଣା ପଡ଼ିବ? ଏଥିପାଇଁ ଆପଣଙ୍କୁ ଆପଣଙ୍କର ଇନଷ୍ଟାଗ୍ରାମର Insights/Professional Dashboard କୁ ଯିବାକୁ ପଡିବ। ଏଠାରେ ଆପଣ ସକ୍ରିୟ ୟୁଜର୍ସଙ୍କର ସଠିକ ସମୟ ଜାଣିପାରିବେ।
ଏଠାରେ ଆପଣଙ୍କର ରିଲ୍ ଏବଂ ପୋଷ୍ଟଗୁଡିକର ରିଚ୍ ବିଷୟରେ ମଧ୍ୟ ଜାଣିପାରିବେ। ଏଥିସହ ଆପଣଙ୍କର କେଉଁ ରିଲ୍ ବା ପୋଷ୍ଟକୁ ୟୁଜର୍ସ ବେଶୀ ପସନ୍ଦ କରିଛନ୍ତି ତାହା ମଧ୍ୟ ଜାଣିପାରିବେ। କହିରଖୁଛୁ କି, ଏହିସବୁ ଡିଟେଲ ଆପଣ ସେତେବେଳେ ଜାଣିପାରିବେ ଯଦି ଆପଣଙ୍କର କ୍ରିଏଟର ବା ବିଜନେସ୍ ଆକାଉଣ୍ଟ ଥିବ।
ଇନଷ୍ଟାଗ୍ରାମରେ ରିଲ୍ ପୋଷ୍ଟ କରିବାର ସଠିକ ସମୟ ହେଉଛି ସକାଳ ୬ଟା, ୯ଟା, ମଧ୍ୟାହ୍ନ ୧୨ଟା, ଅପରାହ୍ନଣ ୩ଟା କିମ୍ବା ସଂଧ୍ୟା ୬ଟା। ଏହା ବ୍ୟତୀତ, ଆପଣ ରାତି ୯ଟାରୁ ୧୧-୧୨ଟା ମଧ୍ୟରେ ରିଲ ପୋଷ୍ଟ କରିପାରିବେ। କାରଣ ଅଧିକାଂଶ ଲୋକ ଏହି ସମୟରେ ଇନଷ୍ଟାଗ୍ରାମରେ ସକ୍ରିୟ ରହିଥା’ନ୍ତି। ଏପରି ପରିସ୍ଥିତିରେ, ଆପଣଙ୍କର ରିଲ ଅଧିକ ଲୋକଙ୍କ ପାଖରେ ପହଞ୍ଚିବାର ସମ୍ଭାବନା ରହିଛି।