ଲଣ୍ଡନ, ୧୫।୯: କରୋନା ଭାଇରସ୍ ସଂକ୍ରମଣରୁ ରକ୍ଷା ପାଇବା ଲାଗି ଲୋକମାନେ ସାନିଟାଇଜରରେ ହାତକୁ ସଫା କରିବା ସହିତ ମାସ୍କ ଓ ପିପିଇ କିଟ୍ ପରିଧାନ କରୁଥିବାର ଦେଖିବାକୁ ମିଳୁଛି। ତେବେ ଏଭଳି ଜଣେ ବ୍ୟକ୍ତି ଅଛନ୍ତି ଯିଏକି ସାପକୁ ନିଜର ମାସ୍କ ଭାବେ ବ୍ୟବହାର କରିଛନ୍ତି। ବ୍ରିଟେନର ଏକ ଖବର କାଗଜରେ ପ୍ରକାଶିତ ରିପୋର୍ଟ ଅନୁଯାୟୀ, ମାଞ୍ଚେଷ୍ଟରର ସେଲ୍ଫ୍ରୋଡ୍ରେ ଏହି ଅଦ୍ଭୁତ ଘଟଣାର ଭିଡିଓ ଶୁଟିଂ କରାଯାଇଛି। ଯେଉଁଥିରେ ଦେଖିବାକୁ ମିଳିଛି ଯେ, ବସ୍ ଭିତରେ ଜଣେ ବ୍ୟକ୍ତି ଗୋଟିଏ ସାପକୁ ମାସ୍କ ପରି ବେକରେ ଗୁଡ଼ାଇ ହୋଇ ବସିଛନ୍ତି। ସାପଟି କୌଣସି ନାମୀଦାମୀ ପୋଷାକର ଷ୍ଟଲ୍ ପରି ଦେଖାଯାଉଛି। ଏପରିକି ପାଖରେ ବସିଥିବା ଲୋକମାନେ ମଧ୍ୟ ଏହା ଜାଣିନାହାନ୍ତି ଯେ, ସେହି ବ୍ୟକ୍ତିଜଣଙ୍କ ମାସ୍କ ନୁହେଁ ବରଂ ଗୋଟିଏ ସାପକୁ ବେକରେ ଗୁଡ଼ାଇଛନ୍ତି। ଭିଡିଓ ଶୁଟିଂ କରିଥିବା ବସ୍ର ଜଣେ ଯାତ୍ରୀ କହିଛନ୍ତି, ଏହି ଦୃଶ୍ୟଅତ୍ୟନ୍ତ ମଜାଦାର ଥିଲା। ବେକରେ ସାପ ଗୁଡ଼ାଇ ବସ୍ରେ ଯାତ୍ରା କରୁଥିବା ଏହି ବ୍ୟକ୍ତିଙ୍କ ବିରୋଧରେ ପୋଲିସ ମାମଲା ରୁଜୁ କରି ଏହାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି।
