ନୂଆଦିଲ୍ଲୀ,୨୮।୭: କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ଚା’ ନିମନ୍ତ୍ରଣରେ ରାଜ୍ୟସଭା ସଦସ୍ୟ ଅନୀଲ ବଲୁନି ପୂରା ଭଦ୍ରତାର ସହ କିଛି ସମୟ ପାଇଁ ଏହାକୁ ଏଡ଼ାଇ ଦେଇଛନ୍ତି। ଏଥିସହ ପ୍ରିୟଙ୍କାଙ୍କୁ ଏକ ଚିଠି ଲେଖିଛନ୍ତି। ଯେଉଁଥିରେ ସେ ତାଙ୍କୁ ଓ ତାଙ୍କ ପରିବାରଙ୍କୁ ଉତ୍ତରାଖଣ୍ଡର ପାରମ୍ପରିକ ଭୋଜନ ପାଇଁ ନିମନ୍ତ୍ରଣ କରିଛନ୍ତି। ସୂଚନାଯୋଗ୍ୟ ଏମ୍ପି ଅନୀଲ ୩୫-ଲୋଧି ଇଷ୍ଟେଷ୍ଟ ସ୍ଥିତ ବଙ୍ଗଳାକୁ ସ୍ଥାନାନ୍ତରିତ ହେବେ। ଏଥିପାଇଁ ଉକ୍ତ ବଙ୍ଗଳାକୁ ପ୍ରିୟଙ୍କାଙ୍କୁ ଖାଲି କରିବାକୁ ପଡ଼ିବ। ତେବେ ବଙ୍ଗଳାକୁ ଖାଲି କରିବା ପୂର୍ବରୁ ପିୟଙ୍କା ଅନୀଲଙ୍କୁ ଏକ ଔପଚାରିକ ଭାବେ ଚିଠି ଲେଖି ଚା’ ପାଇଁ ନିମନ୍ତ୍ରିତ କରିଥିଲେ। ତେବେ ପ୍ରିୟଙ୍କାଙ୍କ ଏହି ଚିଠିର ଉତ୍ତରରେ ଅନୀଲ ଲେଖିଛନ୍ତି, ଆପଣଙ୍କ ଚିଠି ପାଇଲି, ଧନ୍ୟବାଦ ଜ୍ଞାପନ କରୁଛି। ଜାଣିଥିବେ, ଦୀଘଁ ସମୟରେ କ୍ୟାନସରର ଉପଚାର ପରେ ବର୍ତ୍ତମାନ ଦିଲ୍ଲୀକୁ ଫେରିଛି। ଚିକିତ୍ସିକଙ୍କ ପରାମର୍ଶ କ୍ରମେ ଏବେ ମୁଁ ହୋମ ଆଇସୋଲେଶନ୍ରେ ରହିଛି। ତେବେ ଆପଣ ମୋତେ ଚା’ରେ ନିମନ୍ତ୍ରଣ କରିଥିବାରୁ ବହୁତ ବହୁତ ଧନ୍ୟବାଦ। ଖୁବ୍ଶୀଘ୍ର ସୁସ୍ଥ ହୋଇ ୩୫-ଲୋଧି ବଙ୍ଗଳାକୁ ଭୋଜନରେ ଆପଣଙ୍କ ସପରିବାରଙ୍କୁ ନିମନ୍ତ୍ରଣ କରିବି ଏବଂ ଉତ୍ତରାଖଣ୍ଡର ପାରମ୍ପରିକ ବ୍ୟଞ୍ଜନ ପରଷିବି ବୋଲି ଏମ୍ପି ଅନୀଲ ଉକ୍ତ ଚିଠିରେ ଉଲ୍ଲେଖ କରିଛନ୍ତି।