ଛତ୍ରପୁର,୧୫।୧(ଡି.ଏନ୍.ଏ.): ଛତ୍ରପୁର ହସ୍ପିଟାଲ ରୋଗୀ କଲ୍ୟାଣ ସମିତି ବୈଠକ ସ୍ଥାନୀୟ ସମ୍ମିଳନୀ ଗୃହରେ ଅନୁଷ୍ଠିତ ହୋଇଯାଇଛି । ଏଥିରେ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା ଅଧ୍ୟକ୍ଷତା କରିଥିଲେ। ଦୀର୍ଘବର୍ଷ ଧରି ଛତ୍ରପୁର ହସ୍ପିଟାଲ ପରିସରରେ ଥିବା ସ୍ବତନ୍ତ୍ର କ୍ୟାବିନ ଜରାଜୀର୍ଣ୍ଣ ଅବସ୍ଥାରେ ବନ୍ଦ ରହିଛି। ଉକ୍ତ ୫ ଟି ସ୍ବତନ୍ତ୍ର କ୍ୟାବିନକୁ ଆସନ୍ତା ୧୫ ଦିନ ମଧ୍ୟରେ କାର୍ଯ୍ୟକ୍ଷମ କରିବାକୁ ଛତ୍ରପୁର ଉପଜିଲାପାଳ ପ୍ରସନ୍ନ କୁମାର ପାତ୍ର ବୈଠକରେ ନିର୍ଦ୍ଦେଶ ଦେଇଛନ୍ତି । ପ୍ରତି କ୍ୟାବିନର ଭଡା ୨୦୦ ଟଙ୍କା ରଖିବାକୁ ବୈଠକରେ ସର୍ବସମ୍ମତି ନିଷ୍ପତ୍ତି ନିଆଯାଇଛି। ହାଇସ୍କୁଲ ଭଳି ୫-ଟି ଆଧାରରେ ଛତ୍ରପୁର ହସ୍ପିଟାଲର ରୂପାନ୍ତକରଣ କରାଯିବାକୁ ରାଜ୍ୟ ସରକାର ନିଷ୍ପତ୍ତି ନେଇଥିବା ବୈଠକରେ ସୂଚନା ଦିଆଯାଇଥିଲା । ଏଥିପାଇଁ ଡିଜାଇନ ପ୍ରସ୍ତୁତ ହେବ ଏବଂ ଏହାର କାମ ଆରମ୍ଭ ହେବ। ବୈଠକରେ କେତେଜଣ ସରକାରୀ ଅଧିକାରୀ ଅନୁପସ୍ଥିତ ଥିବାରୁ ଉପଜ଼ିଲାପାଳ ନାପସନ୍ଦ କରିଥିଲେ। ଏଣିକି ଅନୁପସ୍ଥିତ ରହିଲେ କାର୍ଯ୍ୟନୁଷ୍ଠାନ ନିଆଯିବ ବୋଲି କୁହାଯାଇଥିଲା। ହସ୍ପିଟାଲ ଆଉଟଡୋର ନିକଟରେ ୧୦୮ ଆମ୍ବୁଲାନ୍ସ ରଖିବାକୁ ସ୍ଥିର ହୋଇଛି। ଜଣେ ଲ୍ୟାବ୍ ଟେକ୍ନିସିଆନ ଥିବାରୁ ବିଭିନ୍ନ ରକ୍ତ ପରୀକ୍ଷାରେ ବିଳମ୍ବ ହେଉଛି। ତେଣୁ ସେଠାରେ ୩ ଜଣଙ୍କୁ ରଖିବାକୁ ପ୍ରସ୍ତାବ ଦିଆଯାଇଥିଲା। ବୈଠକରେ ଅନ୍ୟମାନଙ୍କ ମଧ୍ୟରେ ଛତ୍ରପୁର ହସ୍ପିଟାଲ ସୁପରିଣ୍ଟେଣ୍ଡେଣ୍ଟ କାହ୍ନୁ ଗୌଡ଼, ହସ୍ପିଟାଲ ମ୍ୟାନେଜର ସନ୍ତୋଷ କୁମାର ପଣ୍ଡା, ସମିତି ସଦସ୍ୟ ବିଜୟ ପଟ୍ଟନାୟକ, ଏସ୍. ରେଖା ମହାନ୍ତି,
ବସନ୍ତ କୁମାର ମହାରଣା ଏବଂ ବିଭିନ୍ନ ଲାଇନ ଡିପାର୍ଟମେଣ୍ଟର ଅଧିକାରୀମାନେ ଉପସ୍ଥିତ ଥିଲେ ।