ମୁଜାଫରବାଦ,୬।୧୨ : ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଦ୍ୱାରା ପାକିସ୍ତାନ ଅଧିକୃତ କଶ୍ମୀର(ପିଓକେ) ପ୍ରଧାନମନ୍ତ୍ରୀ ସର୍ଦ୍ଦାର ତନଭୀର ଇଲିୟାସଙ୍କ ପ୍ରତି ହୋଇଥିବା ଅପମାନକୁ ଲୋକେ ବିରୋଧ କରିଛନ୍ତି। ଲୋକମାନେ ମୁଜାଫରବାଦର ରାସ୍ତାରେ ଶେହବାଜଙ୍କ ବିରୋଧରେ ପ୍ରଦର୍ଶନ ସହିତ ପୋଡ଼ାଜଳା କରିଛନ୍ତି।
ବହୁ ସଂଖ୍ୟାରେ ବିରୋଧ କରୁଥିବା ଲୋକମାନେ ଶେହବାଜ ସରିଫଙ୍କ ବିରୋଧରେ ସ୍ଲୋଗାନ ଦେଇଥିଲେ। ବିକ୍ଷୋଭକାରୀମାନେ ରାସ୍ତା ଅବରୋଧ କରି ତାଙ୍କ ଆଚରଣ ପାଇଁ ଶେହବାଜଙ୍କୁ କ୍ଷମା ମାଗିବାକୁ ଦାବି କରିଥିଲେ।
ଶେହବାଜ ତନଭୀରଙ୍କୁ ଅପମାନିତ କରିବାର ଘଟଣା କ୍ୟାମେରାରେ କଏଦ ହୋଇଥିଲା। ଯେତେବେଳେ ଇଲିୟାସ ଏକ ଭାଷଣ ସମୟରେ ଶେହବାଜଙ୍କୁ କିଛି ପରାମର୍ଶ ଦେବାକୁ ଚେଷ୍ଟା କରିଥିଲେ ସେତେବେଳେ ଶେହବାଜ ତାଙ୍କୁ ଅପମାନିତ କରିଥିଲେ। ଏହି ଭିଡ଼ିଓ ଭାଇରାଲ ହେବା ପରେ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା।
