ନୂଆଦିଲ୍ଲୀ,୨୭।୮: ସାମଗ୍ରୀ ଓ ସେବା ଟିକସ (ଜିଏସ୍ଟି) ବାବଦ ଦେୟ ବିଳମ୍ବରେ ପ୍ରଦାନ କ୍ଷେତ୍ରରେ ସୁଧ ଲାଗିବ ବୋଲି ସରକାର କହିଛନ୍ତି। ନେଟ୍ ଟିକସ ଦେୟ କ୍ଷେତ୍ରରେ ସେପ୍ଟେମ୍ବର ପହିଲାରୁ ଏଭଳି ବ୍ୟବସ୍ଥା ଲାଗୁ କରାଯିବ। ମୋଟ୍ ଟିକସ କ୍ଷେତ୍ରରେ ସୁଧ ଲାଗୁ ହେବା ନେଇ ଟିକସଦାତାମାନେ ଆଶଙ୍କା ପ୍ରକଟ କରିଥିଲେ। ଏହି ପ୍ରସଙ୍ଗରେ କେନ୍ଦ୍ରୀୟ ପରୋକ୍ଷ ଟିକସ ଏବଂ ସୀମା ଶୁଳ୍କ ବୋର୍ଡ ପକ୍ଷରୁ ସ୍ପଷ୍ଟୀକରଣ ପ୍ରଦାନ କରାଯିବ ସହ ନେଟ୍ ଟିକସରେ ସୁଧ ଲାଗୁ ହେବ ବୋଲି କୁହାଯାଇଛି।