ଭୁବନେଶ୍ବର,୩୦।୧(ଅସମାପିକା ସାହୁ ): ଗଞ୍ଜାମ ଜିଲାର ସୁନାପୁର ବେଳାଭୂମିକୁ ୨୦୨୩-୨୪ ଅନ୍ତର୍ଜାତୀୟ ବ୍ଲୁ ଫ୍ଲାଗ ପୁରସ୍କାର ପାଇଁ ବିବେଚିତ କରାଯାଇଛି। ଏଫଇଇ ସଂସ୍ଥା ପକ୍ଷରୁ ଏ ନେଇ ସର୍ଭେ କରାଯାଇଥିଲା । ୭୭ ଟି ଦେଶର ବେଳାଭୂମିର ସ୍ଥିତି ଉପରେ ସର୍ଭେ କରାଯାଇଥିଲା । ଏଭଳି ଖବର ଆସିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୁସି ଜାହିର କରିଛନ୍ତି । ଟୁଇଟ କରି ଗଞ୍ଜାମ ପାଇଁ ଏହା ଏକ ବଡ ଉପଲବ୍ଧି ବୋଲି କହିବା ସହ ଖୁସି ବ୍ୟକ୍ତ କରିଛନ୍ତି । ସୁନାପୁର ବେଳାଭୂମି ଖୁବ କମ ସମୟ ମଧ୍ୟରେ ପର୍ଯ୍ୟଟକଙ୍କ ପସନ୍ଦ ହୋଇଛି । ଏଠାକାର ସ୍ବଚ୍ଛତା, ସୁନ୍ଦର, ବିସ୍ତର୍ଣ୍ଣ ବେଳାଭୂମି, ଜଳରାଶି ସମସ୍ତଙ୍କୁ ବେଶ ଆକୃଷ୍ଠ କରି ପାରିଛି । ବିଶେଷ ଶୀତ ଋତୁରେ ଏଠାକୁ ଅଧିକ ପର୍ଯ୍ୟଟକଙ୍କ ଆଗମନ ହେଉଛି। ଶାନ୍ତ ସୁନ୍ଦର ସ୍ବଛ ପାଇଁ ଏହି ବ୍ଲୁ ଫ୍ଲାଗ ବେଳାଭୂମି ଏବେ ଅନ୍ତର୍ଜାତୀୟ ସ୍ତରରେ ସୁନାମ ଆଣିଛି ।
Glad to share that #Sunapur Beach in #Ganjam, one of the picturesque beaches of #Odisha has received the prestigious #BlueFlag certification from @FEEInt. This globally recognised eco-label, by ensuring stringent environmental standards, cleanliness, and tourist-friendly… pic.twitter.com/Yp9waqpdsh
— Naveen Patnaik (@Naveen_Odisha) January 29, 2024
