ଲଣ୍ଡନ,୨୭।୮: ନେଦରଲ୍ୟାଣ୍ଡସର ୨୯ ବର୍ଷୀୟ ମାରିକେ ଲୁକାସ ରେଜନେବେଲ୍ଡ ଅନ୍ତରାଷ୍ଟ୍ରୀୟ ବୁକର ପୁରସ୍କାର ଜିତିଥିବା ସବୁଠାରୁ କମ୍ ବୟସର ଲେଖକ ପାଲଟି ଯାଇଛନ୍ତି। ତେବେ ଏହି ପୁରସ୍କାର ମୂଳ ବୁକର ପୁରସ୍କାରଠାରୁ ଭିନ୍ନ। ଏହାର ମୂଳ ଉଦ୍ଦେଶ୍ୟ ହେଲା ବିଶ୍ୱରେ ଭଲ ଉପନ୍ୟାସର ଅଧିକ ପ୍ରକାଶନ ଓ ଏହାକୁ ପଢିବାକୁ ପ୍ରୋତ୍ସାହିତ କରିବା। ରେଜନେବେଲ୍ଡଙ୍କ ପୁସ୍ତକ ‘ଦ ଡିସକମ୍ଫର୍ଟ ଅଫ୍ ଇଭିନିଂ’କୁ ବୁଧବାର ବିଜେତା ଘୋଷଣା କରାଯାଇଛି। ଏହା ଗ୍ରାମୀଣ ନେଦରଲ୍ୟାଣ୍ଡସର ଏକ ହାର୍ଡକୋର ଇସାଇ ସମ୍ପ୍ରଦାୟର ଗୋଟିଏ କୃଷକ ପରିବାରର କାହାଣୀ। ନିୟମ ଅନୁଯାୟୀ, ପୁରସ୍କାର ରାଶି ୫୦,୦୦୦ ପାଉଣ୍ଡକୁ ଲେଖକ ଓ ଅନୁବାଦକ ମିଶେଲ ହଚିସନଙ୍କ ମଧ୍ୟରେ ସମାନ ଭାବରେ ବାଣ୍ଟି ଦିଆଯିବ। ସୂଚନାଯୋଗ୍ୟ, ଚଳିତବର୍ଷ ଏହି ଦୌଡରେ ୩୦ ଭାଷାରେ ଅନୁବାଦ କରାଯାଇଥିବା ୧୨୪ଟି ପୁସ୍ତକ ରହିଥିଲା।
