ଲଣ୍ଡନ,୨୯ ।୭: ସାରା ବିଶ୍ୱରେ କରୋନା ମହାମରୀକୁ ଏଡାଇବାକୁ ଭ୍ୟାକ୍ସିନ ବା ଟିକାକରଣ ପ୍ରକ୍ରିୟା ଜୋରଦାର ହୋଇଛି । ଏପଟେ ବେଳକୁ ବେଳ କରୋନାର ନୂଆ ନୂଆ ଭାରିଏଣ୍ଟ ଲୋକଙ୍କ ଚିନ୍ତା ବଢାଇ ଦେଉଛି । ତେବେ ଯେଉଁମାନେ ୨ଟି ଯାକ ଡୋଜ ଭ୍ୟାକ୍ସିନ ନେଇଛନ୍ତି ସେମାନଙ୍କ ମଧ୍ୟରୁ ଅଧିକାଂଶଙ୍କ ନିକଟରେ କରୋନାର କିଛି ଲକ୍ଷଣ ଦେଖାଯାଉଥିବା ଜଣାପଇଛି । ନିକଟରେ କରାଯାଇଥିବା ଏକ ଷ୍ଟଡିରୁ ଏହା ଜଣାପଡିଛି । କିଙ୍ଗସ୍ କଲେଜ ଲଣ୍ଡନରେ କରାଯାଇଥିବା ଏହି ଗବେଷଣାରେ ବିଶେଷଜ୍ଞମାନେ କହିଛନ୍ତି ଯେଉଁମାନେ ଦୁଇଟି ଡୋଜ୍ କରୋନା ଭ୍ୟାକ୍ସିନ ନେଇଛନ୍ତି ସେମାନଙ୍କ ନିକଟରେ କରୋନା ସଂକ୍ରମିତଙ୍କ ଭଳି ଛିଙ୍କ, କାଶ, ଗନ୍ଧ ନ ବାରି ପାରିବା ବା ସ୍ୱାଦ ନ ବାରି ପାରିବା ଭଳି ଲକ୍ଷଣ ଗୁଡିକ ସାମାନ୍ୟ ମାତ୍ରାରେ ଦେଖାଯାଉଛି । ହେଲେ ଟିକା ନ ନେଇ ଯେଉଁମାନେ ସଂକ୍ରମିତ ହେଉଛନ୍ତି ସେମାନଙ୍କ ତୁଳନାରେ ଏହା ଖୁବ୍ କମ୍ ରହିଛି । ଆଉ ଏମାନଙ୍କ ସ୍ୁସ୍ଥ ହେବା ସମ୍ଭାବନା ବି ଟିକା ନ ନେଇଥିବା ଲୋଙ୍କଠାରୁ ଖୁବ୍ ଅଧିକ ବୋଲି କୁହାଯାଉଛି ।