ନୂଆଦିଲ୍ଲୀ,୨୭।୭: ଦେଶରେ ଅନେକ ସରକାରୀ ସ୍କିମ୍ ରହିଛି ଯେଉଁଥିରେ ସ୍ବଳ୍ପ ପରିମାଣର ନିବେଶକରି ଏହାର ଭରପୂର ଲାଭ ଉଠାଇପାରିବେ। ଏହା ମଧ୍ୟରେ ପୋଷ୍ଟ ଅଫିସର ବିଭିନ୍ନ ସ୍ମଲ୍ ସେଭିଂ ସ୍କିମ୍ ସାମିଲ ରହିଛି। ଡାକଘରର ସବୁ ଯୋଜନାକୁ କେନ୍ଦ୍ର ସରକାର ପରିଚାଳନା କରିଥାନ୍ତି। ଏହି ଯୋଜନାରେ ନିବେଶ ଦ୍ୱାରା ନିବେଶକଙ୍କୁ ଧାରା ୮୦ସି ଦ୍ୱାରା ଟିକସ ରିହାତି ମଧ୍ୟ ଉପଲବ୍ଧ ରହିଥାଏ। ସରକାର ପ୍ରତି ୩ ମାସରେ ଏହାର ସୁଧହାର ନିର୍ଦ୍ଧାରଣ କରିଥାନ୍ତି। ଏହି ଯୋଜନାର ସୁଧହାର ଉପରେ ବିଭିନ୍ନ ସମୟରେ ସମୀକ୍ଷା କରାଯାଇଥାଏ। ଯୋଜନା ଗୁଡିକ ମଧ୍ୟରେ ରହିଛି କିଷାନ ବିକାଶ ପତ୍ର(କେଭିପି)।
କିଷାନ ବିକାଶ ପତ୍ର (କେଭିପି) ଯୋଜନାକୁ ଚୟନ କରିବାକୁ ଏକ ବିକଳ୍ପ ରହିଛି। ଏହା ଏକ ଓ୍ବାନ୍ ଟାଇମ୍ ଇନଭେଷ୍ଟମେଣ୍ଟ ସ୍କିମ୍। ଯେଉଁଠି ନିର୍ଦ୍ଧାରିତ ଅବଧି ମଧ୍ୟରେ ଆପଣଙ୍କ ଟଙ୍କା ଦୁଇଗୁଣା ହେବ। ବର୍ତ୍ତମାନ ଏହି ସ୍କିମର ମାଚ୍ୟୁରିଟି ପିରିୟଡ୍ ୧୧୩ ମାସ ଅର୍ଥାତ୍ ୧୦ ବର୍ଷରୁ କମ୍ ରହିଛି। କେଭିପିରେ ୧୦୦୦ରୁ ଆରମ୍ଭ କରି ୫୦ ହଜାର ଟଙ୍କା ପର୍ଯ୍ୟନ୍ତ ଆପଣ ନିବେଶ କରିପାରିବେ। ଏହି ଯୋଜନାରେ ନିବେଶକଙ୍କୁ ଚଳିତ ଆର୍ଥିକ ବର୍ଷରେ ନିବେଶ ଉପରେ ବାର୍ଷିକ ୭.୬% ସୁଧ ମିଳୁଛି। କିଷାନ ବିକାଶ ପତ୍ର ଏକ ପ୍ରକାରର ପ୍ରମାଣପତ୍ର ଭାବେ କାର୍ଯ୍ୟ କରିଥାଏ। ପ୍ରତି ୩ ମାସରେ ଏହାର ସୁଧହାର ନିର୍ଦ୍ଧାରିତ ହୋଇଥାଏ। ସୁଧହାରକୁ ସରକାର ବିଭିନ୍ନ ସମୟରେ ସଂଶୋଧନ କରିଥାନ୍ତି। କେଭିପିରେ ନିବେଶ କରିବାକୁ ହେଲେ ନିବେଶକଙ୍କ ବୟସ ୧୮ରୁ ଊର୍ଦ୍ଧ୍ୱ ହୋଇଥିବା ଆବଶ୍ୟକ। ଆଗ୍ରହୀ ଲୋକେ ପାଖ ଡାକଘର ଯାଇ କେଭିପି ଅରାକାଉଣ୍ଟ ଖୋଲି ପାରିବେ।