ନୂଆଦିଲ୍ଲୀ,୨୦।୮ : ପବ୍ଲିକ ପ୍ରୋଭିଡେଣ୍ଟ ଫଣ୍ଡରେ ବିନିଯୋଗ କରିବା ସରକାରଙ୍କ ଦ୍ୱାରା ପରିଚାଳିତ ଏକ ଯୋଜନା, ଯାହା ଦ୍ୱାରା ଦୀର୍ଘ ସମୟ ମଧ୍ୟରେ ନିବେଶକାରୀ ବିପୁଳ ପାଣ୍ଠି ପାଇପାରିବେ। ଏହି ଯୋଜନା ବିଷୟରେ ବିଶେଷ କଥା ହେଉଛି ସଂଗଠିତ କ୍ଷେତ୍ରରେ କାର୍ଯ୍ୟ ନ କରୁଥିବା ସ୍ଥଳେ ମଧ୍ୟ ନିବେଶକମାନେ ପ୍ରୋଭିଡେଣ୍ଟ ଫଣ୍ଡ ଯୋଜନାର ଲାଭ ପାଇପାରିବେ। ଏହି ଯୋଜନା ଅଧୀନରେ ସରକାର ଜମା ହୋଇଥିବା ରାଶି ଉପରେ ସୁଧ ବୃଦ୍ଧି କରିବାର ଲାଭ ପ୍ରଦାନ କରିଥାନ୍ତି।
ଏଥିସହିତ ଆକାଉଣ୍ଟଧାରୀମାନେ ଗୋଟିଏ ଆର୍ଥିକ ବର୍ଷରେ ୫୦୦ରୁ ଦେଢ଼ ଲକ୍ଷ ଟଙ୍କା ବିନିଯୋଗ କରିପାରିବେ। ଏହି ଯୋଜନାର ମ୍ୟାଚୁରିଟି ଅବଧି ୧୫ ବର୍ଷ । ପିପିଏଫ ସ୍କିମ ସମ୍ବନ୍ଧରେ ଅନେକ ପ୍ରକାରର ପ୍ରଶ୍ନ ଲୋକଙ୍କ ମନରେ ରହିଥାଏ। ସେଥି ମଧ୍ୟରୁ ଗୋଟିଏ ହେଉଛି ଯୋଜନାରେ ମ୍ୟାଚୁରିଟି ଅବଧି ବୃଦ୍ଧି କରିବା। ଯଦି କୌଣସି ହରତାଧିକାରୀ ପିପିଏଫ ଖାତାର ଆକାଉଣ୍ଟକୁ ବଢ଼ାଇବାକୁ ଚାହାଁନ୍ତି, ତେବେ ଏହା ସହିତ ଜଡିତ ନିୟମ ବିଷୟରେ ଜାଣିବାର ଆବଶ୍ୟକତା ରହିଛି।
ପିପିଏଫ ନିୟମ ଅନୁଯାୟୀ, ଯଦି ଜଣେ ବ୍ୟକ୍ତି ୨୦ ବର୍ଷ ବୟସରେ ଏକ ପିପିଏଫ ଆକାଉଣ୍ଟ ଖୋଲନ୍ତି, ତେବେ ତାଙ୍କ ଖାତାର ମ୍ୟାଚୁରିଟି ୩୫ ବର୍ଷ ବୟସରେ ହେବ। କିନ୍ତୁ ଯଦି ସେ ମ୍ୟାଚୁରିଟି ପରେ ମଧ୍ୟ ଏହି ଆକାଉଣ୍ଟରେ ବିନିଯୋଗ ଜାରି ରଖିବାକୁ ଚାହାଁନ୍ତି, ତେବେ ସେ ଏହା କରିପାରିବେ। ନିୟମ ଅନୁଯାୟୀ, ଆକାଉଣ୍ଟକୁ ୫-୫ ବର୍ଷ ପର୍ଯ୍ୟନ୍ତ ବଢ଼ାଯାଇ ପାରିବେ। ପିପିଏଫ ଆକାଉଣ୍ଟକୁ ବିସ୍ତାର କରିବା ପାଇଁ ଦୁଇଟି ବିକଳ୍ପ ମିଳିବ ।
ପିପିଏଫ ଆକାଉଣ୍ଟଧାରୀଙ୍କର ମ୍ୟାଚୁରିଟି ପରେ ଆକାଉଣ୍ଟକୁ ଜାରି ରଖିବା ପାଇଁ ଦୁଇଟି ବିକଳ୍ପ ଅଛି। ଗୋଟିଏ ବିକଳ୍ପରେ ନୂତନ ବିନିଯୋଗ ପରିମାଣ ସହିତ ଆକାଉଣ୍ଟକୁ ବିସ୍ତାର କରିହେବ। ଏଥିପାଇଁ ଏକ ଆବେଦନ ସହିତ ଫର୍ମ ଏଚ ଦାଖଲ କରିବାକୁ ପଡିବ। ଯଦି ଏହି ଫର୍ମ ବିନା ଆକାଉଣ୍ଟରେ ଟଙ୍କା ଜମା କରାଯାଏ, ତେବେ ଅତିରିକ୍ତ ଜମା ରାଶି ଉପରେ କୌଣସି ସୁଧର ଲାଭ ମିଳିବ ନାହିଁ। ଏହା ସହିତ, ଆୟକରର ଧାରା ୮୦ ସି ଅନୁଯାୟୀ ରିହାତିର ଲାଭ ମଧ୍ୟ ମିଳିବ ନାହିଁ ।
ମ୍ୟାଚୁରିଟି ପରେ, ଖାତାକୁ ଆଗକୁ ବଢ଼ାଇବାକୁ ଅନ୍ୟ ଏକ ବିକଳ୍ପ ମଧ୍ୟ ଉପଲବ୍ଧ। ଏଥିରେ, ଖାତାକୁ ୫ବର୍ଷ ବଢ଼ାଇ ହେବ। କିନ୍ତୁ ଏଥିରେ ଗୋଟିଏ ଟଙ୍କା ମଧ୍ୟ ବିନିଯୋଗ କରିବାକୁ ପଡିବ ନାହିଁ। ଏହା ସହିତ ଆକାଉଣ୍ଟଧାରୀ ଆର୍ଥିକ ବର୍ଷରେ ଥରେ ଆକାଉଣ୍ଟରୁ ଟଙ୍କା ଉଠାଇବା ପାଇଁ ସୁବିଧା ପାଇବେ। ଯଦି ନିବେଶ ବିନା ବିକଳ୍ପ ଚୟନ କରାଯାଏ ତେବେ ଏହା ପରେ ଅଧିକ ବିନିଯୋଗ ହୋଇଥିବା କୌଣସି ରାଶି ଉପରେ ସୁଧ ହାରର ଲାଭ ମିଳିବ ନାହିଁ ।