ଭୁବନେଶ୍ୱର,୨।୮: ଓଡିଏମ୍ ଗ୍ଲୋବାଲ ସ୍କୁଲ (ଓଜିଏସ୍)ର ବିଦ୍ୟାର୍ଥୀମାନଙ୍କ ଦ୍ୱାରା ଇନ୍ଭେଷ୍ଟିଚର ସେରିମନି ଗୁରୁବାର ସ୍କୁଲ ପରିସରରେ ପାଳିତ ହୋଇଯାଇଛି। ଚଳିତ ବର୍ଷ ପେଣ୍ଟାଗନ ଅଞ୍ଚଳରେ ଆୟୋଜିତ ହୋଇଥିବା ଇନ୍ଭେଷ୍ଟିଚର ସେରିମନି ଏକ ବଡ ସଫଳତା ଥିଲା,ଯେଉଁଠାରେ ଛାତ୍ରୀଛାତ୍ରଙ୍କୁ ନେତୃତ୍ୱ ଭୂମିକା ଓ ଦାୟିତ୍ୱ ନ୍ୟସ୍ତ କରାଯାଇଥିଲା। ଏହି ସମାରୋହରେ ବ୍ୟାଜ୍ ଓ ସାଶେ ସହ ଛାତ୍ରନେତାମାନଙ୍କୁ ନିୟୋଜିତ କରିବା,ଛାତ୍ରୀଛାତ୍ରମାନଙ୍କୁ ନେତୃତ୍ୱ ଭୂମିକା ଓ ଦାୟିତ୍ୱ ଗ୍ରହଣ କରିବା ପାଇଁ ସଶକ୍ତ କରିବା ମୂଳ ଲକ୍ଷ୍ୟ ଥିଲା। ଏହି କାର୍ଯ୍ୟକ୍ରମ ଏକ ଗୌରବମୟ ଭବିଷ୍ୟତ ପାଇଁ ବିଦ୍ୟାଳୟ ପ୍ରତି କର୍ତ୍ତବ୍ୟ, ସମ୍ମାନ ଓ ସେବାର ଏକ ଭାବନାକୁ ପ୍ରୋତ୍ସାହିତ କରୁଛି। ଉକ୍ତ ସେରିମନି ପ୍ରମୁଖ ହେଡ୍ ବୟ ଓ ହେଡ୍ ଗାର୍ଲ, ମାଷ୍ଟର (ଶାନ୍ତି, ଅହିଂସା, ମୈତ୍ରୀ ଓ ପ୍ରୀତି) ମାନଙ୍କର ଏକ ଶୋଭାଯାତ୍ରା ସହ ଆରମ୍ଭ ହୋଇଥିଲା,ଯେଉଁଥିରେ କ୍ୟାବିନେଟ୍ ସଦସ୍ୟ ଓ ହାଉସ୍ ପ୍ରିଫେକ୍ଟମାନେ ସାମିଲ ଥିଲେ।
ଏହି ସମାରୋହର ମୁଖ୍ୟ ଅତିଥି କଲୋନେଲ ଚକ୍ରଧର ସାହୁ ନେତୃତ୍ୱ ଓ ଦାୟିତ୍ୱର ଗୁରୁତ୍ୱ ଉପରେ ମହତ୍ତ୍ୱ ପ୍ରଦାନ କରୁଥିବା ଏକ ପ୍ରେରଣାଦାୟକ ଅଭିଭାଷଣ ପ୍ରଦାନ କରିଥିଲେ। ଛାତ୍ରନେତାମାନେ ବିଦ୍ୟାଳୟର ମୂଲ୍ୟବୋଧ ଓ ପରମ୍ପରା ବଜାୟ ରଖିବା ପାଇଁ ଶପଥ ଗ୍ରହଣ କରିଥିଲେ। ଏହି ଅବସରରେ ଛାତ୍ରନେତାମାନଙ୍କୁ ବ୍ୟାଜ୍ ଓ ସାଶେ ପ୍ରଦାନ କରାଯାଇଥିଲା ଯାହା ସେମାନଙ୍କର ନୂଆ ଭୂମିକା ଓ ଦାୟିତ୍ୱକୁ ସୂଚିତ କରୁଛି। ଏହି ସମାରୋହରେ ବିଦ୍ୟାଳୟର ପ୍ରିନ୍ସିପାଲ ଶଳେନ୍ଦ୍ର କୁମାରୀଙ୍କ ଏକ ପ୍ରେରଣାଦାୟୀ ଅଭିଭାଷଣ ସହ କାର୍ଯ୍ୟକ୍ରମ ଶେଷ ହୋଇଥିଲା। ସମାରୋହରେ ଛାତ୍ରୀଛାତ୍ର, ଅଭିଭାବକ, ଶିକ୍ଷକ ଯୋଗଦେଇଥିଲେ, ଯିଏକି ସମୁଦାୟ ଓ ସହଯୋଗର ଏକ ଦୃଢ ଭାବନା ପ୍ରଦର୍ଶିତ କରିଥିଲେ।