ମୁମ୍ବାଇ,୪।୧: କ୍ରମାଗତ ଭାବେ ଘରୋଇ ଶେୟାର ବଜାରର ନିବେଶକମାନେ ନିରାଶ ହେଉଛନ୍ତି। ଏପରିକି ବର୍ଷ ଆରମ୍ଭରୁ ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ) ଏବଂ ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ (ଏନ୍ଏସ୍ଇ)ର ନିବେଶକମାନେ ଆଶ ଓ ଆଶଙ୍କା ମଧ୍ୟରେ କାରବାର କରୁଥିବାବେଳେ ପୁଞ୍ଜି ବଜାରରେ ଲକ୍ଷାଧିକ ଟଙ୍କାର ନିବେଶ ହରାଇ ନିବେଶକ ନିିରାଶ ହୋଇଛନ୍ତି।
ଉଲ୍ଲେଖଯୋଗ୍ୟ, ଚଳିତ ସପ୍ତାହର ଶେଷ କାର୍ଯ୍ୟଦିବସରେ ବିଏସ୍ଇ ସେନ୍ସେକ୍ସ ର କାରବାର ୦.୯୦% ହ୍ରାସ ଘଟି ୭୯,୨୨୩.୧୧ ଅଙ୍କରେ ରହିଥିଲାବେଳେ ନିଫ୍ଟି ୫୦ର କାରବାର ମଧ୍ୟ ୦.୭୬% କମି ୨୪,୦୦୪.୭୫ ଅଙ୍କରେ ରହିଛି। ସେହିଭଳି ୩୦ ଶେୟାର ବିଶିଷ୍ଠ ବିଏସ୍ଇ ସେନ୍ସେକ୍ସର ମିଡକ୍ୟାପ ଓ ସ୍ମଲ୍କ୍ୟାପର କାରବାର ପ୍ରାୟ ୧% ହ୍ରାସ ଘଟିଥିଲାବେଳେ ନିଫ୍ଟି ସ୍ମଲକ୍ୟାପର କାରବାର ୧୭୭.୧୫% କମି ୫୭,୯୩୧.୦୫ ଅଙ୍କରେ ପହଞ୍ଚତ୍ଛି। ଏପରିକି ନିଫ୍ଟି ସ୍ମଲକ୍ୟାପର କାରବାର ୦.୫୮% ହ୍ରାସ ଘଟି ୯୦୧୨.୭୫ ଅଙ୍କରେ ଥିଲାବେଳେ ବ୍ୟାଙ୍କିଙ୍ଗ୍ ୧.୨୦% ହ୍ରାସ ଘଟି ୫୦,୯୮୮.୮୦ ଅଙ୍କରେ କାରବାର ବନ୍ଦ ହୋଇଥିଲା।
ସେହିପରି ସେକ୍ଟରିଆଲ କ୍ଷେତ୍ରରେ ସମସ୍ତ ନିବେଶକ ପ୍ରାୟ ୧ରୁ ୨% ନିବେଶ ହରାଇଥିଲାବେଳେ ଅଟୋ , ଆଇଟି ଏବଂ ଏଫ୍ଏମ୍ସିଜି, ଅଏଲ ଆଣ୍ଡ ଗ୍ୟାସ୍, ପିଏସ୍ୟୁ, ରିଅଲିଟି ଏବଂ ବ୍ୟାଙ୍କ ଆଦିର ନିବେଶକ କ୍ଷତି ସହିଛନ୍ତି।