ନୂଆଦିଲ୍ଲୀ,୨୭।୯: ଇକ୍ୱିଟି ନିବେଶକଙ୍କ ସମ୍ପତ୍ତି ଗତ ୪ଦିନର ବଜାର କାରବାର ମଧ୍ୟରେ ୧୩.୩ ଟ୍ରିଲିୟନରୁ ଅଧିକ ହ୍ରାସ ପାଇଛି। ବିଶ୍ୱ ବଜାରରେ ତୀବ୍ର ବିକ୍ରୟ ମଧ୍ୟରେ କ୍ରମାଗତ ଚତୁର୍ଥ ସିଧାସଳଖ ଦିନ ପାଇଁ ନିବେଶକମାନେ ନିରାଶ ହୋଇଛନ୍ତି। ବିଶେଷ
କରି ୩୦-ସେୟାର ବିଏସଇ ସେନସେକ୍ସ ୯୫୩.୭୦ ପଏଣ୍ଟ ବା ୧.୬୪% ହ୍ରାସ କରି ୫୭,୧୪୫.୨୨ ଅଙ୍କରେ ସ୍ଥିର ହୋଇଛି। ଏପରିକି ସୋମବାର ଏହା ୧,୦୬୦.୬୮ ପଏଣ୍ଟ ବା ୧.୮୨% କାରବାର ହ୍ରାସ ପାଇ ୫୭,୦୩୮.୨୪ ଅଙ୍କରରେ ପହଞ୍ଚତ୍ଛି। ଅପରପକ୍ଷରେ ଗତ ୪ ଦିନ ମଧ୍ୟରେ ବିଏସଇ ମାନଦଣ୍ଡ (ବେଞ୍ଚମାର୍କ) ୨,୫୭୪.୫୨ ପଏଣ୍ଟ ବା ୪.୩୧% ହ୍ରାସ ପାଇଛି। ସେହିଭଳି ବିଏସଇ ତାଲିକାଭୁକ୍ତ ସଂସ୍ଥାଗୁଡ଼ିକର ବଜାର ପୁଞ୍ଜିକରଣ ଗତ ୪ଟି ଅଧିବେଶନରେ ୧୩,୩୦,୭୫୩.୪୨ ଲକ୍ଷ କୋଟି ଟଙ୍କା ହ୍ରାସ ପାଇ ୨,୭୦,୧୧,୪୬୦.୧୧ ଲକ୍ଷ କୋଟିରେ ପହଞ୍ଚତ୍ଛି। ସେହିପରି ଗତ ୪ଟି ବାଣିଜ୍ୟ ଅଧିବେଶନରେ ଘରୋଇ ଇକ୍ୱିଟିଗୁଡିକ ୪%ରୁ ଅଧିକ ସଂଶୋଧିତ ହୋଇଛି, କାରଣ ବିଶ୍ୱର ଅନିଶ୍ଚିତତା ବଜାର ଭାବନା ଉପରେ ଏହା ପ୍ରାଧାନ୍ୟ ଦେଇଥାଏ। ଏହି ତୀବ୍ର ବିକ୍ରୟ ପରେ ଏକ ସ୍ବଳ୍ପ ବାଉନ୍ସ ଦେଖିବାକୁ ମିଳେ ତଥାପି ବଜାରର ସାମଗ୍ରିକ ଭାବେ ଦୁର୍ବଳ ରହିଛି। ବିଶେଷ କରି ଚଳିତ ସପ୍ତାହ ଶେଷ ସୁଦ୍ଧା ଆରବିଆଇ ଏମପିସି ସର୍ମ୍ପକୀତ ସତର୍କତା ଅବଲମ୍ବନ କରିବ ବୋଲି ରିଟେଲ ରିସର୍ଚ୍ଚ ମୋତିଲାଲ ଓସୱାଲ ଆର୍ଥିକ ସେବା ଲିର ମୁଖ୍ୟ ସିଦ୍ଧାର୍ଥ ଖେମା ମତବ୍ୟକ୍ତ କରିଛନ୍ତି। ସୋମବାର ୩୦-ସେୟାର ସେନସେକ୍ସ ମଧ୍ୟରେ ମାରୁତି, ଟାଟା ଷ୍ଟିଲ, ଆଇଟିସି, ଆକ୍ସିସ୍ ବ୍ୟାଙ୍କ, ଏନଟିପିସି, ବଜାଜ ଫାଇନାନ୍ସ, ଇଣ୍ଡସଇଣ୍ଡବ୍ୟାଙ୍କ ଏବଂ ମହିନ୍ଦ୍ରା ଏବଂ ମହିନ୍ଦ୍ରା ସର୍ବାଧିକ କ୍ଷତି ସହିଥିବା ବେଳେ ଏଚସିଏଲ୍ ଟେକ୍ନୋଲୋଜି, ଏସିଆନ ପେଣ୍ଟସ୍, ଇନଫୋସିସ୍, ଅଲଟ୍ରାଟେକ୍ ସିମେଣ୍ଟ, ଟିସିଏସ୍, ନେସଲେ ଏବଂ ୱିପ୍ରୋ ଭଳି ନିବେଶକ ଲାଭରେ ରହିଛନ୍ତି। ଅପରପକ୍ଷରେ ଏକ ବ୍ୟାପକ ବଜାର ମଧ୍ୟରେ ବିଏସଇ ସ୍ମଲ କ୍ୟାପ୍ ଗଜ୍ ୩.୩୩% ଏବଂ ମିଡକାପ୍ ଇଣ୍ଡେକ୍ସ ୨.୮୪% ହ୍ରାସ ପାଇଛି। ସେହିଭଳି ଆଇଟି ବ୍ୟତୀତ ସମସ୍ତ ବିଏସଏଫ ସେକ୍ଟରାଲ ଇଣ୍ଡେକ୍ସଗୁଡ଼ିକ କମ୍ରେ କାରବାର ଶେଷ କରିଛନ୍ତି। ଏପରିକି ରିଅଲିଟି ୪.୨୯%, ଅଟୋ ୩.୮୬%, ଉପଯୋଗିତା ୩.୭୨%, ଶକ୍ତି ୩.୭୧%, ଦ୍ରବ୍ୟ ୩.୩୨%, ଶକ୍ତି ୩.୧୭%, ତୈଳ ଏବଂ ଗ୍ୟାସ ୩.୧୦% ଏବଂ ଟେଲିଯୋଗାଯୋଗ ୨.୯୭% ହ୍ରାସ ପାଇଛି।