ମୁମ୍ବାଇ,୬।୧ : ଅଯୋଧ୍ୟାରେ ଅନୁଷ୍ଠିତ ହେବାକୁ ଥିବା ରାମଲାଲାଙ୍କ ପ୍ରାଣ ପ୍ରତିଷ୍ଠା ସମାରୋହ ପାଇଁ ଲୋକଙ୍କୁ ଦ୍ୱାର ଦେଶରେ ନିମନ୍ତ୍ରଣ କରାଯାଉଛି। ବାଲାସାହେବ ଉଦ୍ଧବ ଠାକରେଙ୍କ ଶିବସେନା ଏପର୍ଯ୍ୟନ୍ତ ଏହି କାର୍ଯ୍ୟ ପାଇଁ ନିମନ୍ତ୍ରଣ ପାଇନାହିଁ । ଏହି ସମୟରେ ଦଳର ମୁଖ୍ୟ ଉଦ୍ଧବ ଠାକରେ କହିଛନ୍ତି ଦଳର ନେତାମାନେ ଜାନୁଆରୀ ୨୨ ରେ ନାଶିକର କାଲାରାମ ମନ୍ଦିର ପରିଦର୍ଶନ କରିବେ ଏବଂ ଗୋଦାବରୀ ନଦୀ କୂଳରେ ମହା ଆରତି କରିବେ।
ଯେତେବେଳେ ମୋ ଇଛା ହେବ ମୁଁ ଅଯୋଧ୍ୟା ଯିବି।
ଅଯୋଧ୍ୟାରେ ରାମ ମନ୍ଦିରର ଉଦଘାଟନ ଏକ ଗର୍ବ ଏବଂ ଆତ୍ମ ସମ୍ମାନର ବିଷୟ। ସେଦିନ ଆମେ ସନ୍ଧ୍ୟା ସାଢ଼େ ୬ଟାରେ କାଲାରାମ ମନ୍ଦିରକୁ ଯିବୁ। ଆମେ ସନ୍ଧ୍ୟା ସାଢ଼େ ୭ଟାରେ ଗୋଦାବରୀ ନଦୀ କୂଳରେ ମହା ଆରତି କରିବୁ।
ନାଶିକର ପଞ୍ଚାବଟି ଅଞ୍ଚଳରେ ଅବସ୍ଥିତ କାଲାରାମ ମନ୍ଦିର ଭଗବାନ ରାମଙ୍କୁ ସମର୍ପିତ କରାଯାଇଛି। ମନ୍ଦିରର ନାମ କଳା ପଥରରେ ନିର୍ମିତ ଭଗବାନ ରାମଙ୍କ ମୂର୍ତ୍ତିରୁ ସୃଷ୍ଟି ହୋଇଛି। ବିଶ୍ୱାସ କରାଯାଏ ପ୍ରଭୁ ରାମ ତାଙ୍କ ବନବାସ ସମୟରେମାତାସୀତା ଏବଂ ଭାଇ ଲକ୍ଷ୍ମଣଙ୍କ ସହିତ ଏଠାରେ ଥିଲେ। ୧୯୩୦ ମସିହାରେ ଡକ୍ଟର ଆମ୍ବେଡକର କାଲାରାମ ମନ୍ଦିରରେ ଏକ ବିରୋଧ ପ୍ରଦର୍ଶନ କରି ଦଲିତଙ୍କର ମନ୍ଦିରରେ ପ୍ରବେଶ କରିବାକୁ ଦାବି କରିଥିଲେ।