ନୂଆଦିଲ୍ଲୀ,୩୦।୧୦: ଚଳିତ ଆଇସିସି ଦିନିକିଆ ବିଶ୍ୱକପରେ ପାକିସ୍ତାନର ନୈରାଶ୍ୟଜନକ ପ୍ରଦର୍ଶନ ପରେ ମୁଖ୍ୟ ଚୟନକର୍ତ୍ତା ପଦରୁ ଇସ୍ତଫା ଦେଇଛନ୍ତି ବରିଷ୍ଠ ଖେଳାଳି ଇଞ୍ଜାମାମ୍-ଉଲ୍-ହକ୍। ବିଶ୍ୱକପରେ ଦଳ ଆଶାଜନକ ପ୍ରଦର୍ଶନ କରିବାରେ ବିଫଳ ହେବା ପରେ ଅନେକ ଦିଗରୁ ସମାଲୋଚନାର ଶିକାର ହେବାକୁ ପଡୁଛି।
ଇଞ୍ଜାମାମ୍ ତାଙ୍କର ଇସ୍ତଫା ପତ୍ର ପାକିସ୍ତାନ କ୍ରିକେଟ ବୋର୍ଡ ମୁଖ୍ୟ ଜାକା ଅଶ୍ରରଫଙ୍କୁ ପଠାଇଛନ୍ତି। ବିଶ୍ୱକପରେ ପାକିସ୍ତାନ ବର୍ତ୍ତମାନ ସୁଦ୍ଧା ୬ ମ୍ୟାଚ୍ରୁ ପ୍ରଥମ ଦୁଇଟିରେ ବିଜୟୀ ହୋଇଥିବା ବେଳେ ଶେଷ ୪ ମୁକାବିଲାରେ ପରାଜୟ ବରଣ କରିଛି। ଯେଉଁ କାରଣରୁ ଟୁର୍ଣ୍ଣାଟମେଣ୍ଟ ମଝିରୁ ଇଞ୍ଜାମାମ୍ ତାଙ୍କର ପଦ ଛାଡିଛନ୍ତି।
https://twitter.com/sawerapasha/status/1718977033269870630
ଏହାବାଦ ଇଞ୍ଜାମାମ୍ ଙ୍କ ଉପରେ ଦୋୖତସ୍ୱାର୍ଥ ଅଭିଯୋଗ ମଧ୍ୟ ଲାଗିଛି। ଏହାର ତଦନ୍ତ ପାଇଁ ପିସିବି ଏକ ୫ ଜଣିଆ କମିଟି ଗଠନ କରିଛି। ଇସ୍ତଫା ପରେ ଇଞ୍ଜାମାମ୍ ଗଣମାଧ୍ୟମରେ ତାଙ୍କର ପ୍ରତିକ୍ରିୟା ରଖଛନ୍ତି। ସେ କହିଛନ୍ତି ‘ଲୋକମାନେ ବିନା କୌଣସି କାରଣରେ ମୋ ଉପରେ ପ୍ରଶ୍ନ ଉଠାଇଛନ୍ତି, ଯେଉଁଥିପାଇଁ ମୁଁ ଇସ୍ତଫା ଦେବାକୁ ନିଷ୍ପତି ନେଇଛି।’
ତେବେ ମୁଖ୍ୟ ଚୟନକର୍ତ୍ତା ଭାବରେ ଇନଜାମାମଙ୍କ ଚୁକ୍ତିନାମା ସମାପ୍ତ ହେବା ପାକିସ୍ତାନ କ୍ରିକେଟ ବୋର୍ଡ ପାଇଁ ଏକ ଗୁରୁତ୍ୱପୂର୍ଣ୍ଣ ଆର୍ଥିକ ବୋଝ ସୃଷ୍ଟି କରିପାରେ। ପାକିସ୍ତାନର ଗଣମାଧ୍ୟମରୁ ପ୍ରକାଶ ପାଇଥିବା ରିପୋର୍ଟରୁ ଜଣାପଡିଛି ଯେ ବୋର୍ଡ ଇନଜାମାମଙ୍କୁ ପ୍ରାୟ ୧୫ ମିଲିୟନ୍ ଟଙ୍କା ଦେବାକୁ ବାଧ୍ୟ ହୋଇପାରେ। ମାସିକ ୨.୫ ମିଲିୟନ୍ ଟଙ୍କା ହିସାବରେ ଛଅ ମାସ ପାଇଁ ତାଙ୍କୁ ଏହି ଟଙ୍କା ପ୍ରଦାନ କରାଯିବ।
