ମୁମ୍ବାଇ,୨୨ ।୧: ଏୟାର ଇଣ୍ଡିଆର ଏକ ବିମାନରେ ଗତ ନଭେମ୍ବରରେ ହୋଇଥିବା ପରିସ୍ରା ମାମଲାରେ ବିମାନର ମୁଖ୍ୟ ପାଇଲଟଙ୍କ ଲାଇସେନ୍ସ ନିଲମ୍ବନ କରିବା ମାମଲାରେ ଇଣ୍ଡିଆ ପାଇଲଟ ଗିଲ୍ଡ(ଆଇପିଜି)ଆଇନ ପଦକ୍ଷେପ ନେବା ଉପରେ ବିଚାର କରୁଛି । ଆଇପିଜିର ଜଣେ ବରିଷ୍ଠ ସଦସ୍ୟ କହିଛନ୍ତି, ସେ ସମ୍ପନ୍ଧିତ ପାଇଲଟଙ୍କ ନିଲମ୍ବନ ପ୍ରସଙ୍ଗକୁ ଜୋର ଦେବେ । ଆଇପିଜି ଏୟାରଲାଇନ୍ସ ସେହିସବୁ ପାଇଲଟଙ୍କ ପ୍ରତିନିଧିତ୍ୱ କରିଥାଏ ଯେଉଁମାନେ ବଡ ଧରଣର ବିମାନ ଉଡାଇଥାଆନ୍ତି ।
ସୂଚନାଯୋଗ୍ୟ, ଏହି ଘଟଣା ୨୬ନଭେମ୍ବର ୨୦୨୨ରେ ଏୟାର ଇଣ୍ଡିଆର ଏକ ବିମାନରେ ହୋଇଥିଲା । ଯେତେବେଳେ ବିମାନଟି ନ୍ୟୁୟର୍କରୁ ଦିଲ୍ଲୀ ଯାତ୍ରା କରିଥିଲା । ଏହି ଘଟଣା ଜାନୁୟାରୀ ୪ରେ ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ(ଡିଜିସିଏ)ର ଗୋଚରକୁ ଆସିଥିଲା ।
