ୟୁଏଇ, ୧୧।୧୦: ଚଳିତବର୍ଷ ଆଇପିଏଲ୍ରେ କିଙ୍ଗ୍ସ ଏକାଦଶ ପଞ୍ଜାବ ଦଳର ଖରାପ ପ୍ରଦର୍ଶନ ଜାରି ରହିଛି। ଏହି ସମୟରେ ପଞ୍ଜାବର ତାରକା ଖେଳାଳି ଶେଲଡେନ କଟ୍ରେଲଙ୍କୁ ଦଳରୁ ଓହରି ଯାଇଛନ୍ତି। ଏଥିସହିତ ଦଳ ବିସ୍ଫୋରକ ବ୍ୟାଟ୍ସମ୍ୟାନ୍ କ୍ରିସ ଗେଲଙ୍କୁ ନେଇ ଚିନ୍ତିତ ଅଛି। କାରଣ ଗେଲ ହସ୍ପିଟାଲରେ ଭର୍ତ୍ତି ହୋଇଛନ୍ତି ଏବଂ ସେ ନିଜେ ଫଟୋ ଶେୟାର କରି ଏ ବିଷୟରେ ସୂଚନା ଦେଇଥିଲେ। ଗେଲ ହେଉଛି ପଞ୍ଜାବର ଶେଷ ଭରସା। ଦଳକୁ ସେ ସଙ୍କଟ ରକ୍ଷା କରିବେ ବୋଲି ପଞ୍ଜାବ ପ୍ରଶଂସକମାନେ ଆଶା ପ୍ରକାଶ କରିଛନ୍ତି। ଶେଷ ମ୍ୟାଚରେ ମଧ୍ୟ ବିଶ୍ୱାସ କରାଯାଉଥିଲା ଯେ ତାଙ୍କୁ ଦଳରେ ସୁଯୋଗ ଦିଆଯିବ। କିନ୍ତୁ ସେ ଚୂଡାନ୍ତ ଏକାଦେଶରେ ସ୍ଥାନ ଦିଆଯାଇ ନ ଥିଲା। ପ୍ରଶଂସକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ପରେ ଦଳର ମୁଖ୍ୟ ପ୍ରଶିକ୍ଷକ ଅନିଲ କୁମ୍ବଲେ ଗେଲଙ୍କୁ ଏହି ମ୍ୟାଚରେ ଖେଳିବାର କାରଣ ଦର୍ଶାଇଥିଲେ। ସେ କହିଛନ୍ତି ଯେ ଗେଲ ଏହି ମ୍ୟାଚରେ ଖେଳିବାର ଥିଲା, କିନ୍ତୁ ସେ ଗତ ଦୁଇ ଦିନ ହେବ ଅସୁସ୍ଥ ଅଛନ୍ତି। ତାଙ୍କ ଖାଦ୍ୟ ବିଷାକ୍ତ ହୋଇଯାଇଥିବାରୁ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଏହା ପରେ ଗେଲ ଡାକ୍ତରଖାନାର ଏକ ଫଟୋ ଶେୟାର କରି ମୁଁ ଯୁଦ୍ଧ ନ କରି କେବେବି ପଛକୁ ଫେରିବି ନାହିଁ। ମୁଁ ୟୁନିଭର୍ସ ବସ ବୋଲି କହିଛନ୍ତି। ସୂଚନାଯୋଗ୍ୟ, କିଙ୍ଗସ ଏକାଦଶ ପଞ୍ଜାବ ଏପର୍ଯ୍ୟନ୍ତ ଖେଳାଯାଇଥିବା ୭ଟି ମ୍ୟାଚ ମଧ୍ୟରୁ ମୋଟ ୬ଟି ପରାଜୟବରଣ କରିଛି। ମାତ୍ର ଗୋଟିଏ ମ୍ୟାଚ୍ ବିଜୟ ହାସଲ କରି ପଏଣ୍ଟ ଟେବୁଲରେ ଶେଷ ସ୍ଥାନରେ ଅଛି।
