ଆଇପିଏଲର ୪୩ତମ ମୁକାବିଲାରେ କିଙ୍ଗସ ଏକାଦଶ ପଞ୍ଜାବ ୧୨ ରନରେ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରିଛି। ପଞ୍ଜାବ ମ୍ୟାଚ ଜିତି ଥିଲା ସତ, କିନ୍ତୁ ଦଳର ଜଣେ ଖେଲାଳି ବେଶ୍ ଦୁଃଖି ଥିଲେ। ସେ ହେଉଛନ୍ତି ଓପନିଂ ବ୍ୟାଟ୍ସମ୍ୟାନ୍ ମନଦୀପ ସିଂ। କାରଣ ମ୍ୟାଚର ଦିନକ ପୂର୍ବେ ମନଦୀପଙ୍କ ପିତାଙ୍କର ମୃତ୍ୟୁ ହୋଇଥିଲା। ତାଙ୍କର ଏହି ସାହସ ପାଇଁ ଏବେ ସେ ଚର୍ଚ୍ଚାରେ ଅନ୍ତି। ସମସ୍ତେ ତାଙ୍କୁ ସଲାମ ମଧ୍ୟ କରୁଛନ୍ତି। ଏପରିକି ମାଷ୍ଟର୍ବ୍ଲାଷ୍ଟର୍ ସଚିନ ତେନ୍ଦୁଲକର ମଧ୍ୟ ମନଦୀପଙ୍କୁ ସଲାମ କରିଛନ୍ତି। ସଚିନ ମଧ୍ୟ ୧୯୯୯ରେ ବିଶ୍ୱକପ ଖେଳୁଥିବା ବେଳେ ତାଙ୍କ ପିତାଙ୍କର ଦେହାନ୍ତ ହୋଇଥିଲା। ଶୁକ୍ରବାର ମନଦୀପଙ୍କ ପିତା ହରଦେବ ସିଂହଙ୍କ ମୃତ୍ୟୁ ଖବର ପାଇବା ସତ୍ତ୍ୱେ ମନଦୀପ ଟିମ ସହ ରହିଥିଲେ। ଏବଂ ଭାରତ ଫେରିବା ବଦଳରେ ସେ ହାଇଦ୍ରାବାଦ ବିପକ୍ଷ ମ୍ୟାଚ ଖେଳିବାକୁ ଓହ୍ଲାଇଥିଲେ। ମନଦୀପଙ୍କ ପିତାଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ପଞ୍ଜାବ ଟିମର ଖେଳାଳିମାନେ ହାତରେ କଳା ରଙ୍ଗର ବ୍ୟାଣ୍ଡ ପିନ୍ଧି ମଇଦାନକୁ ଓହ୍ଲାଇଥିଲେ।
Loss of a loved one hurts, but what’s more heartbreaking is when one doesn’t get to say a final goodbye. Praying for @mandeeps12, @NitishRana_27 and their families to heal from this tragedy. Hats off for turning up today. Well played.
— Sachin Tendulkar (@sachin_rt) October 24, 2020
