ଶାରଜା,୨୭।୧୦: ତିନି ଦିନ ପୂର୍ବେ ପିତାଙ୍କୁ ହରାଇଥିବା କିଙ୍ଗସ ଏକାଦଶ ପଞ୍ଜାବ ବ୍ୟାଟ୍ସମ୍ୟାନ ମନଦୀପ ସିଂ କୋଲକାତା ନାଇଟ ରାଇଡର୍ସ(କେକେଆର୍)ବିପକ୍ଷ ଏକ ଗୁରୁତ୍ୱପୂର୍ଣ୍ଣ ମ୍ୟାଚରେ ଅପରାଜିତ ୬୬ ରନ୍ର ପାଳି ଖେଳି ଦଳକୁ ଜିତାଇଥିଲେ। ଏହି ଇନିଂସ ତାଙ୍କ ପିତାଙ୍କୁ ସେ ଉତ୍ସର୍ଗ କରିଛନ୍ତି। ମ୍ୟାଚ୍ ପରେ ସେ କହିଛନ୍ତି, ପିତା ସର୍ବଦା ଚାହୁଁଥିଲେ ମୁଁ ସର୍ବଦା ନଟ୍ଆଉଟ୍ ରହିବା ଉଚିତ୍। ମୁଁ ଶତକ କିମ୍ବା ଦ୍ୱିଶତକ ମାରି ଆଉଟ୍ ହୋଇଥିଲେ ମଧ୍ୟ ପିତା ମୋତେ କାହିଁକି ଆଉଟ୍ ହେଲୁ ବୋଲି ପଚାରନ୍ତି। ଏହି ପାଳି ତାଙ୍କ ପାଇଁ ଉତ୍ସର୍ଗ କରୁଛି ବୋଲି ମନଦୀପ କହିଛନ୍ତି। କେକେଆର୍ ବିପକ୍ଷ ମ୍ୟାଚ୍ରେ ମନଦୀପ ଅର୍ଦ୍ଧଶତକ ପୂରଣ କରିବା ପରେ ଉପରକୁ ଚାହିଁି ପିତାଙ୍କୁ ମନେ ପକାଇଥିଲେ। ସାଥି ଖେଳାଳି ଛିଡା ହୋଇ ତାଳି ମାରିଥିଲେ। ସୂଚନାଯୋଗ୍ୟ, ଅକ୍ଟୋବର ୨୩ରେ ମନଦୀପଙ୍କ ପିତାଙ୍କ ଦେହାନ୍ତ ହୋଇଥିଲା। ଏହାର ଗୋଟିଏ ପରେ ସେ ମ୍ୟାଚ୍ ଖେଳିବାକୁ ପଡିଆକୁ ଓହ୍ଲାଇଥିଲେ। ମନଦୀପଙ୍କ ପିତାଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ପଞ୍ଜାବ ଟିମର ଖେଳାଳିମାନେ ହାତରେ କଳା ରଙ୍ଗର ବ୍ୟାଣ୍ଡ ପିନ୍ଧି ମଇଦାନକୁ ଓହ୍ଲାଇଥିଲେ। ମନଦୀପଙ୍କ ସାହସକୁ ସଲାମ କରିଥିଲେ ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର।
Mandy paaji looks up, a tribute to his father 🙌
WHAT. A. KNOCK. 👏#SaddaPunjab #IPL2020 #KXIP #KKRvKXIP pic.twitter.com/QcZYvCkBcm
— Punjab Kings (@PunjabKingsIPL) October 26, 2020
