ଆଇପିଏଲ୍ ୨୦୨୦ରେ କୋଲକାତା ନାଇଟ ରାଇଡର୍ସ ଯୁବ ବ୍ୟାଟ୍ସମ୍ୟାନ ନୀତିଶ ରାଣା ଗୁରୁବାର ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଦମ୍ଦାର ବ୍ୟାଟିଂ କରିଥିଲେ। ଚେନ୍ନାଇ ବିପକ୍ଷରେ ୬୧ ବଲରେ ସେ ୮୭ ରନର ଇନିଂସ ଖେଳିଥିଲେ। ଏହି ପାଳିରେ ରାଣା ୪ଟି ଛକା ଓ ୧୦ଟି ଚୌକା ମାରିଥିଲେ। ନୀତୀଶ ରାଣା ଜଣେ ମିଡିଲ ଅର୍ଡର ବ୍ୟାଟ୍ସମ୍ୟାନ କିନ୍ତୁ ଗତ ୩ଟି ମ୍ୟାଚରେ କୋଲକାତା ତାଙ୍କୁ ଓପନର୍ ଭାବରେ ଖେଳାଉଛି। ୩ଟି ମ୍ୟାଚ ମଧ୍ୟରୁ ୨ଟିରେ ନୀତିଶ ରାଣା ଅର୍ଦ୍ଧଶତକ ହାସଲ କରିଛନ୍ତି।ସୂଚନାଯୋଗ୍ୟ, ଲକ୍ଡାଉନ ସମୟରେ ନୀତିଶ ରାଣା ତାଙ୍କ ସ୍ତ୍ରୀଙ୍କ ସହ ଛାତ ଉପରେ ବ୍ୟାଟିଂ ଅଭ୍ୟାସ କରୁଥିବା ଦେଖାଯାଇଥିଲା। ରାଣା ସୋସିଆଲ ମିଡିଆରେ ସ୍ତ୍ରୀ ସାଚ୍ଚି ମାରୱାଙ୍କ ସହ ଏକ ଭିଡିଓ ପୋଷ୍ଟ କରିଥିଲେ। ଭିଡିଓରେ ସେ ବ୍ୟାଟିଂ ଅଭ୍ୟାସ କରୁଥିଲେ। ଏହି ଆଇପିଏଲ ସମୟରେ ସାଚ୍ଚି ତାଙ୍କ ପିତାଙ୍କୁ ହରାଇଥିଲେ। ନୀତିଶ ରାଣା ମଧ୍ୟ ଅର୍ଦ୍ଧଶତକ ହାସଲ ପରେ ଜର୍ସି ଦେଖାଇ ତାଙ୍କ ଶ୍ୱଶୁରଙ୍କୁ ଉତ୍ସର୍ଗ କରିଥିଲେ।
