ଦୁବାଇ, ୧୯।୧୦: ଇଣ୍ଡିଆନ୍ ପ୍ରିମିୟର୍ ଲିଗ୍ର ୧୩ତମ ସିଜିନ୍ରେ ଦିଲ୍ଲୀ କ୍ୟାପିଟାଲ୍ସ ଶ୍ରେଷ୍ଠ ଖେଳ ପ୍ରଦର୍ଶନ କରୁଛି। ୯ଟି ମ୍ୟାଚ୍ରୁ ୭ଟିରେ ବିଜୟ ହାସଲ କରି ଦଳ ପଏଣ୍ଟ ଟେବୁଲର ଶୀର୍ଷରେ ଅଛି। ଗତ ଚେନ୍ନାଇ ସୁପର୍ କିଙ୍ଗ୍ସ ବିପକ୍ଷ ମ୍ୟାଚ୍ ଚାଲିଥିବାବେଳେ କମେଣ୍ଟଟେଟର୍ ଦିଲ୍ଲୀ କ୍ୟାପିଟାଲ୍ସ କୋଚ୍ ରିକି ପଣ୍ଟିଂ ସହ ଆଲୋଚନାବେଳେ ତାଙ୍କ ପଛରେ ଛିଡା ହୋଇ କ୍ରିକେଟର୍ ରିଷଭ ପନ୍ତ ନକଲ କରୁଥିବା ଦେଖାଯାଇଥିଲା। କମେଣ୍ଟଟେଟର୍ଙ୍କ ପ୍ରଶ୍ନର ଉତ୍ତର ରିକି ପଣ୍ଟିଂ ଯେମିତି ଆକ୍ସନରେ ଦେଉଛନ୍ତି ରିଷଭ ପଛରୁ ସେମିତି ଆକ୍ସନ କରୁଥିବା ଦେଖାଯାଇଛି। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ସୂଚନାଯୋଗ୍ୟ, ରିଷଭ ଆଘାତ ଯୋଗୁ କିଛି ମ୍ୟାଚ୍ରୁ ବିଶ୍ରାମ ନେଇଛନ୍ତି। ଆଘାତ ସତ୍ତ୍ୱେ ସେ ଟିମ୍ ସହ ଯୋଡି ହୋଇ ଖେଳାଳିଙ୍କ ସହ ମସ୍ତି କରୁଥିବା ଦେଖାଯାଉଛି।