ଆଇପିଏଲ୍ ୨୦୨୦ରେ ରାଜସ୍ଥାନ ରୟାଲ୍ସର ରାହୁଲ ଟଓ୍ବୋଟିଆ ବ୍ୟାଟିଂ, ବୋଲିଂ ଏବଂ ଫିଲ୍ଡଂରେ ଉଚ୍ଚକୋଟୀର ପ୍ରଦର୍ଶନ କରୁଛନ୍ତି। ବିରାଟ କୋହଲିଙ୍କ ନେତୃତ୍ୱଧୀନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ମଧ୍ୟ ସେ ଜଲଓ୍ବା ଦେଖାଇଛନ୍ତି। ତାଙ୍କ ପ୍ରଦର୍ଶନ ଦେଖି ପୂର୍ବତନ ଭାରତୀୟ ବିସ୍ଫୋରକ ବ୍ୟାଟ୍ମ୍ୟାନ୍ ବୀରେନ୍ଦ୍ର ସେହ୍ବାଗ କହିଛନ୍ତି ଟଓ୍ବୋଟିଆ ଯେଭଳି ସମୟ ଚାଲିଛି ତାଙ୍କ ଯଦି କେହି କରୋନା ଟିକା ପ୍ରସ୍ତୁତ କରିବାକୁ ଦିଏ ତେବେ ସେ ପ୍ରସ୍ତୁତ କରିଦେବେ। ସେ ଭାରତୀୟ ଦଳର ଆଗାମୀ ଷ୍ଟାର୍ ବୋଲି ସେ କହିଛନ୍ତି। ସୂଚନାଯୋଗ୍ୟ, ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମ୍ୟାଚ୍ରେ ସେ ୧୧ଟି ବଲ୍ରେ ୧୯ ରନ୍ ସଂଗ୍ରହ କରିଥିଲେ। ଏହାସହ ବେଙ୍ଗାଲୁରୁର ଓପନିଂ ବ୍ୟାଟ୍ସମ୍ୟାନ୍ ପଡିକଲଙ୍କ ଉଇକେଟ୍ ନେବା ସହ କୋହଲିଙ୍କ ଏକ ଅସମ୍ଭବ କ୍ୟାଚ୍କୁ ଧରି ସମସ୍ତଙ୍କ ଆଶ୍ଚର୍ଯ୍ୟ କରିଦେଇଥିଲେ।
